識飲識食
廣告（請繼續閱讀本文）
今晚表妹仔嚟食飯，就緊係要煲個靚湯俾佢飲。依排一時落雨又一時陽光普照，都真係幾難適應，所以就煲返個既可以袪濕又可以解暑嘅老黃瓜粟米紅蘿蔔陳腎湯俾大家，不過最重要係.因為我鐘意食老黃瓜囉~
老黃瓜有消暑清熱、降燥火利水、解毒功效；粟米健脾和胃，利水通尿，益肺寧心；紅蘿蔔利尿消炎；陳腎可以清熱下火；扁豆可以健脾和中，消暑化濕；赤小豆就利水除濕，和血排膿，消腫解毒。(網上資料)
廣告（請繼續閱讀本文）
老黃瓜一個、粟米一條、紅蘿蔔一個、陳腎兩個、蜜棗四粒、扁豆一両、赤小豆一両、豬骨約$40
廣告（請繼續閱讀本文）
老黃瓜去籽切塊~
紅蘿蔔及粟米去皮洗淨切塊~
陳腎浸至軟身~
扁豆、赤小豆及蜜棗浸洗一陣~
豬骨汆水~
煲內放約3L水，然後隨水加入材料~
待滾起後，先用大火加蓋煲約15分鐘~
之後轉慢火加蓋煲多1.5小時~
最後加鹽調味，就可以飲得啦~
老黃瓜一向都係我至愛，煲出嚟真係好甜呀，今次加埋陳腎一齊仲可以帶出嗰一陣鮮味，所以就更加好飲。
另外，平日小小豬都唔太鐘意飲赤小豆湯，佢就係唔鐘意嗰一陣豆味(今次都係因為表妹仔嚟所以先煲哈哈)。但估唔到今次佢竟然鐘意飲，我估可能係陳腎帶出個味蓋過啲豆豆味，咁下次我煲赤小豆湯都識做啦哈哈哈！
溫馨提示：
- 由於個別人仕體質不同，所以大家記得煲之前了解下自己，如有疑問，請先向註冊中醫查詢！
*本文章的內容若未經授權，不得轉載