「配音王」譚炳文一直敬業樂業不言休，惜他三個月前發現有肺癌，與癌魔博鬥數月，於今早11時離世，終年86歲。
撰文：東方新地 圖片 ：新傳媒圖片、微博
炳哥女兒：父走得安詳
廣告（請繼續閱讀本文）
不言休的炳哥，今年5月續約無綫配音組，6月發現肺癌，一直接受電療與癌魔博鬥，每月均到醫院定時檢查，惜昨晚因呼吸困難，晚上由白車送入律敦治醫院，至今早11時離世，終年86歲。其女兒譚淑瑩稱炳哥走得安詳，正安排老父後事。
廣告（請繼續閱讀本文）
年前慶祝完85歲大壽的炳哥，自爆做過通波仔手術、又確診心臟衰竭，更因為尾龍骨刺影響長期行動不便要用拐杖助行，不過炳哥不言休，依然客串劇集過戲癮，而且仲keep住把招牌靚聲繼續活躍配音界，繼續返無綫開工！
配音界泰斗
唱得演得主持得亦搞笑得，譚炳文更加係香港配音界泰斗，香港人邊個唔係聽炳哥配音卡通片長大先？雖然話歲月不饒人，不過炳哥曾自言拍戲多年辛苦過頭補都補唔番，但至愛配音工作就仲頂得住，所以炳哥講得到亦做得到，去年美劇、日劇同卡通片配音作品產量超過二十部，一人分飾三十多個角色，去年新年假後，依舊由外傭貼身照顧返無綫錄音，享受工作。
廣告（請繼續閱讀本文）
愛女照顧
炳哥近年生活作息主要由女兒譚淑瑩照顧，多次露面都見父女拖到實，譚淑瑩絕對是孝順女一名。