41歲蓋世寶享受單身喜愛熱舞 現擔任友台新節目主持

曾主持兒童節目近20年、現年41歲嘅蓋世寶（LuLu）喺上年3月結束與無綫電視23年嚟嘅賓主關係，而當中令Lulu最心灰意冷嘅原因相信係公司將佢每月底薪減到得$7,000。最近LuLu姐姐喺其中一條免費電視頻道《香港開電視》做主持，節目名叫《一曲走天涯》，主要訪問香港樂壇裡面曾經巡一曲成名的歌手。工作重回軌道之餘，喜歡跳舞嘅蓋世寶，更不時係社交平台上載性感熱舞相，睇黎心情唔錯。

撰文：東方新地｜圖片：蓋世寶Facebook、新傳媒圖片庫

拍檔DJ黃冠斌做主持

新節目名為《一曲走天涯》，蓋世寶於去年12月開始拍攝，拍檔現時在商業電台擔任DJ的黃冠斌做主持。LuLu姐姐在社交平台發佈與已接授訪問的嘉賓合照，當中包括小肥、李樂詩、Kellyjackie及黃翊。

熱舞展現超高柔軟度 網民：不認識

閒時喜歡跳舞的LuLu姐姐，原來擅長性感舞風，更經常在社交網站上載她跳舞的照片和影片！ 如此造型的LuLu姐姐，令一眾網民驚艷，高呼：不認識！

View this post on Instagram

好懷舊喎😎😎😜

A post shared by 蓋世寶Poupou Pou (@poupou_poupoupou) on Oct 28, 2019 at 8:18am PDT

41歲的LuLu姐姐做一字馬時仍然能對鏡頭甜笑，柔軟度超高！

View this post on Instagram

good evening😴😪

A post shared by 蓋世寶Poupou Pou (@poupou_poupoupou) on Sep 7, 2019 at 3:02am PDT

LuLu姐姐擅長性感舞風，不乏椅子、地板的舞步，更常以性感造型示人。

View this post on Instagram

🎬🍐講呢⋯⋯風扇同燈光擔當左好重要嘅角色架😜😜😜😜 thank you teacher Richnezz Gomez😙😙

A post shared by 蓋世寶Poupou Pou (@poupou_poupoupou) on Sep 19, 2019 at 8:49am PDT

蓋世寶去年決心離巢TVB

現時41歲嘅蓋世寶自1996年加入無綫電視後，一直擔任兒童節目主持多年，由《閃電傳真機》、《至Net小人類》到《放學ICU》，足足18年都有佢嘅身影，更因而被譽為譚玉瑛接班人！

發展大不同

可惜，正當大家都以為Lulu會繼續效力兒童節目之時，無綫卻於2015年時對兒童節目進行大洗禮，將所有當時嘅舊有主持一一調走，就連元老級人馬譚玉瑛都要out走調到《東張西望》，而Lulu則被調至戲劇組。

然而，雖同為被調走嘅人，但譚玉瑛之後嘅發展明顯比Lulu好得多，皆因譚玉瑛其後與李家鼎主持《阿爺廚房》，除咗因二人新鮮嘅組合主持節目而成為大家話題外，同時有廚藝了得嘅鼎爺座陣亦令節目非常成功，幾乎每年添食之餘，譚玉瑛同樣成功轉型！

被調入戲劇組

至於Lulu，雖然調入戲劇組，但一直做閒角，事業上未見起色。同時，Lulu當時亦擔心自己多年嚟深入民心嘅兒童主持形象太入屋而搣唔甩觀眾對佢嘅印象，加上因演員收入係按演出量計算，故亦擔心收入唔穩定嘅問題。

2017年Lulu喺TVBI擔任新節目《一周八爪娛》主持，但上年開廠到化妝間時至知曉節目已被取消，部門突然解散，更曾連續9個月沒工開！而今年Lulu同公司傾續約事宜更提出減人工條件，故令Lulu更對娘家心灰意冷，決心離開！

據了解，雙方傾約期間，無綫以Lulu演出量不足及個人成績表唔好為由，要求Lulu減人工，而Lulu亦指已睇唔到自己喺無綫嘅前景而決心離巢！

退出娛樂圈？

回顧多年嚟將最青春的時間貢獻俾無綫，Lulu坦言自己冇後悔，同時亦指未有退出娛樂圈嘅念頭，縱使將於今年踏入女人40嘅年頭，但亦未感徬徨，會積極面對嚟緊嘅新挑戰！

盤點8齣一定有睇過的TVB經典節目

1. 至NET小人類

相信無邊幾個人係會未睇過或者聽過《至NET小人類》，其實呢類型嘅先童節目真係數之不盡，而《至NET》就喺2000年取代《閃電傳真機》，不過2004年時被《放學ICU》取代。呢類型兒童節目真係陪住一代又一代嘅小朋友長大，而且節目係就返小朋友放學時間，有好多學生哥放學時都會衝返屋企睇㗎！

《至NET》逢星期一至五播出，而每日都會有唔同環節，例如星期一譚玉瑛會教小朋友整簡單食物、星期二會請教練教運動、星期五會就有李紫昕 (Purple姐姐）教人音樂同文化，節目真係多姿多彩。每日喺時段內都會播放22分鐘嘅動畫，好似經典卡通《反斗小王子》、《多啦A夢》、《小司機Noddy》、《外星BB撞地球》等，都有喺《至NET》播過㗎！

2. 獎門人系列

獎門人系列喺1995年就開始播出，總共有十輯。最初係由「獎門人」曾志偉同兩位「獎老」林曉峰同陳小春做主持，之後錢嘉樂代替陳小春位置。到好後期更加加入阮兆祥、王祖藍、金剛、江欣燕等做「獎老」。

獎門人系列一直以嚟製造過極多遊戲畀嘉賓玩，每次觀眾都會笑到一仆一碌。最經典嘅遊戲相信一定係「辣辣壽司邊個食」、「超級無敵估歌仔」、「超級無敵馬拉松」等等。

獎門人喺2014年就播完，而曾志偉亦都表明唔會再做「獎門人」，相信大家點都唔會忘記「獎門人」帶過畀我哋嘅歡樂喇！

3. K100

K100自1977年開始播到2005年，係TVB嘅娛樂資訊節目，節目入面有藝人同名人訪問、TVB介紹、節目預告等。而第一代主持係何守信同韓馬利。

相信各位比較年輕嘅觀眾就記得K-100最後一代主持崔健邦、劉綽琪同埋唐詩詠喇！而唐詩詠同崔建邦亦都係因為拍攝K-100而認識。

View this post on Instagram

Summer days are ending ?! ☀️ . . #感受到微微的秋意 #love #nlife #NT

A post shared by Natalie 唐詩詠 (@natalietong53) on Sep 27, 2018 at 10:14pm PDT

4. 體育世界

體育世界喺1980年啟播，係當時報導體育消息最詳細嘅節目之一，最初係TVB黃金時段節目嚟㗎！

不過TVB投放喺體育節目上嘅資源不斷縮減，所以自2016起，節目長度就由最初2小時減到30分鐘。最可惜嘅係，2018年7月更加話要解散體育組，連《體育世界》都要停播喇！各位觀眾同主持都話唔捨得。

5. 文化廣場

文化廣場自1995年開播至今，主要係透過專題訪問同即場表演等方式培養觀眾對文學藝術嘅認識同興趣。好多時候都會請表演者上嚟唱歌、演樂器，或者係請導師返嚟教人整手工藝。

節目由資深前輩朱維德（朱翁）夥拍章志文同張美妮組成主持。

6. 文化新領域

就咁聽個名，好似覺得同《文化廣場》好似喎！雖然兩者都係講文化藝術，但係《文化廣場》就比較啱長者同大人睇，《文化新領域》就主要推介適個年青人同小朋友參與嘅文化藝術活動。

而家嘅主持分別有焦浩軒、莊思明同彭慧中，感覺都較年輕啲。

7.歡樂今宵

歡樂今宵（EYT）係無綫嘅長壽綜藝節目，自1967年到就播足27年，最勁嗰陣一星期有成5晚都係現場直播，更加被列入世界紀錄，成為全世界最長壽嘅綜藝節目！

日頭猛做，到依家輕鬆下，食過晚飯，要休息返一陣，大家暢聚，無綫有好節目，歡歡樂樂，笑笑談談，我地齊齊陪伴你！相信大家一聽到呢首兩就會即刻捉實部電視唔放，60-70年代有啲屋企無電視嘅人更加可能會去士多或者鄰居屋企睇《歡樂今宵》添！EYT亦製作過好多趣劇同遊戲，最出名嘅相信一定係《蝦仔爹哋》、《上海婆》、《我係Maria》等等。

經典組合《四朵金花》都係喺EYT出嚟㗎！金花～四朵金花～ 相信有唔少人都仲記得！

8.勁歌金曲

《勁歌金曲》係香港史上非常長壽嘅音樂節目，由1981年播出第一集，最初係以現場直播方式請歌手表演，去到90年中期就轉為訪問歌星同錄影節目。最早期嘅主持就係蔡楓華，而家則由一大班星夢幫同超級巨星出身嘅歌手做主持。

不過近年《勁歌金曲》收視麻麻，有指係因為網民已經對小圈子節目同頒獎禮覺得無吸引力。