今日年初十五，即是元宵，又即是中國情人節。香港人梗係睇港產片，廣東話先可以表現出港仔港女的愛情觀嘛。回想港產愛情電影金句，你會發現王家衛真係好浪漫，淨係一個周慕雲都夠殺死人屍橫遍野。貼地一點就有「MK活地亞倫」葉念琛，仲有粗俗少少的彭浩翔。
不過，愛情電影入面啲金句肉麻到上太空，萬一你冇張國榮咁靚仔又冇張曼玉咁有氣質，同時又大膽到講出口，聽到的人都可能握實拳頭，重新考慮可唔可以同你走得更遠，所以都係睇咗就算，自己參透一下箇中浪漫感覺，幻想一下你的對象是朝偉曼玉國榮或朱茵。在現實世界，頂籠講一句：「不如我哋從頭嚟過。」夠喇。
《2046》
「愛情呢啲嘢，時間好關鍵，認識得太早或太晚都唔得。」—周慕雲（梁朝偉演）
《花樣年華》
「如果我有多張船飛，你會唔會跟我一齊走？」—周慕雲（梁朝偉演）蘇麗珍（張曼玉演）
《我的最愛》
「我就好似個電腦一樣，『我的最愛』永遠有好多，鍾意就keep，唔鍾意就delete！」—鄺美寶(鄧麗欣演)
《紀念日》
「你成日話你有Plan嘛？但你Plan入面永遠都冇我！」
「啲男人好易哄架，得閒你就讚下佢，佢就覺得自己好醒o架喇！你以前有冇養狗？你成日嗌佢『good boy！good boy！』佢真係會乖啲！」—鍾嘉寶(鄧麗欣演)
「有啲嘢唔駛一晚做晒，我哋又唔趕。」
《志明與春嬌》
「有啲嘢唔駛一晚做晒，我哋又唔趕。」
《春嬌與志明》
「我真係大過你。」
「但係我真係高過你。」
張志明（余文樂演）
余春嬌（楊千嬅演）《志明與春嬌》
《喜劇之王》
「我唔返工你養我呀？」
「係呀，我養你呀！」
尹天仇（周星馳演）
柳飄飄（張柏芝演）
《西遊記》
「曾經有一份真誠嘅愛情放喺我面前，我冇珍惜，到失去嘅時候我先後悔莫及，人世間最痛苦嘅事莫過於此。」「如果上天能夠俾我一個再來一次嘅機會，我會同呢個女仔說三個字：『我愛你。』如果非要喺呢份愛加上一個期限，我希望係一萬年。」
至尊寶（周星馳演）
《如果·愛》
「放手，讓我成為你的回憶。」
孫納（周迅演）
《一代宗師》
「世間所有的相遇，都是久別重逢。」
「心裏有過你，不怕說出來，喜歡人不犯法。」
宮若梅（章子怡演）
《阿飛正傳》
「一九六零年四月十六號下午三點之前嘅一分鐘，你和我在一起，因為你我會記住這一分鐘。」
旭仔（張國榮演）
《旺角卡門》
「你唔好講兩次，講兩次我就信。」
阿娥（張曼玉演）
《重慶森林》
「秋刀魚會過期，肉罐頭會過期，連保鮮紙都會過期，我開始懷疑，在這個世界上，還有甚麼東西是不會過期的？」
「如果記憶是一個罐頭的話， 我希望這一個罐頭不會過期；如果一定要加一個日子的話，我希望是『一萬年』。」
何志武（金城武演）
《春光乍洩》
「黎耀輝，不如我哋從頭嚟過。」
「我終於嚟到瀑布，我突然諗起何寶榮，我覺得好難過，我始終認為企喺度嘅應該係一對。」
黎耀輝（梁朝偉演）
何寶榮（張國榮演）
《霸王別姬》
「說的是一輩子！差一年，一個月，一天，一個時辰，都不算一輩子！」
程蝶衣（張國榮演）
《我家有一隻河東獅》
「從宜家開始，你只可以對我一個人好；要寵我，唔可以騙我；答應我嘅每一件事，你都要做到；對我講嘅每一句話都要係真心。唔准呃我、鬧我，要關心我；人哋欺負我時，你要喺第一時間出來幫我；我開心時，你要陪我開心；我唔開心時，你要哄我開心；永遠都要覺得我係最靚嘅；夢入面你都要見到我；喺你心入面只有我。」
柳月娥（張柏芝演）
