ViuTV劇集《男排女將》開播第一周，已經成為唔少觀眾追劇首選，難得體育主題夠晒熱血拍得又夠專業，確係值得捧場。當中組合Mirror加顧定軒表現自然流暢，而真正排球女將嘅鄧麗欣純熟又專業，為劇集增加唔少真實性！其實排球題材喺香港電視電影並非第一次拍，唔少女星著上排球制服英氣十足，唔知大家又睇過幾多套？
撰文、圖片：東方新地
鄧麗欣
中一開始打排球、受訓七、八年曾經係香港青年排球隊隊員，15年真係為重拾夢想自組排球隊，所以睇Stephy做《男排女將》特別投入特別真實。
朱晨麗
18年無綫劇《 特技人 》中扮演專門特技人嘅朱晨麗，為劇中飾演女明星嘅傅嘉莉擔任替身，拍攝沙灘拍球場口，兩位女角著上同款泳衣，網友一致錯重點，焦點放晒喺朱朱逼爆 D 奶上。
傅嘉莉
在《 特技人 》中，傅嘉莉以一身沙灘排球裝束上陣，十分養眼。
陳婉衡
陳婉衡當年拍《 3日2夜》去到西班牙天體沙灘，主動撩陌生人玩，更要求加入打沙灘排球。
岑麗香 馮盈盈
劇情需要，三年前劇集《果欄中的江湖大嫂》中，香香岑麗香同馮盈盈都換上泳衣熱褲玩沙灘排球，不過兩位化行妝厚粉女角都好坦白，話替身落場打自己都係做樣啫！
呂慧儀 林淑敏 岑杏賢 梁茵
去年《 愛·回家之開心速遞 》一班女演員都粉墨登場扮排球女將，（左起）周 梓盈、呂慧儀、岑杏賢、林淑敏、何綺雲、沈可欣、梁茵個個似模似樣，仲請埋九十年代真國手孫玥客串㖭！
周秀娜
11年港產片《熱浪球愛戰》集齊當年話題青春偶像，𡃁模周秀娜、餅碎傅穎、警鐘胸 JessicaC.，仲有陽光大波謙羅仲謙 (現名羅子溢），戲內同周秀娜係一對，而現實中嘅羅仲謙其實同傅穎撻著，地下情最後因為男方疑似出手打人而結束。
傅穎
身材平平嘅傅穎只著上T恤、短褲，唔似得周秀娜同JC咁博。
Jessica C.
有「 警鐘胸 」之稱嘅 Jessica C. 在戲中表現投入，瞓身撲球。
李思欣 楊秀惠 陳自瑤
一講打排球，不得不提04年以沙灘排球為題材嘅無綫經典青春偶像劇《赤沙印記@四葉草2》 。試想像吓，23歲陳自瑤、20歲楊秀惠、仲有21歲李思欣，著泳衣打沙排嘅畫面幾咁繽紛！