【頭條獨家】接捧派福利 33C李君妍騷葫蘆身材冇得輸

由張志明監製的TVB旅遊節目《3日2夜》捧紅唔少「波女」，32.5C「蜜桃胸」陳庭欣、34E「細龍太」陳偉琪、36E「導彈」陳婉衡及34C激凸身材嘅張曦雯等，個個樣靚身材正，著上泳衣索到爆。而新一輯韓國篇就由27歲，33C-24-35小花李君妍接捧大派福利，首次喺鏡頭前著上比堅尼登場，她形容非常緊張，唔多滿意身型：「因為《3日2夜》女仔個個身型好好，拍攝期間不停係咁食，而且正值谷M，其實我可以再瘦啲同fit啲㗎！」 採訪：方騫平今次由李君妍拍潘梓鋒赴韓國取景，除咗去當地打卡位參觀，又可以食好西，寓工作於娛樂：「我哋去咗忠清南道食醬油蟹，參觀魚市場，又去埋睇花卉展覽同埋燈飾祭…我好鍾意影相，呢個行程好啱我，最特別係初嚐醬油蟹，原來幾好味，所以反應好真實。」擁有驕人身材的君妍著上泳裝登場依然緊張：「好驚凍，因為天氣都開始轉涼冇乜人游水，好彩拍攝當日泳池keep住30幾度水溫，中午時又有陽光，所以冇起雞皮，唔怕激凸，泳池邊有杯cocktail，飲兩啖酒精飲品好暖胃。」
唔介意健康性感
近年李君妍keep住做運動，保持最佳狀態隨時著泳衣出鏡，承認都有人讚過她身材好：「我唔介意健康性感，趁青春留倩影，而且人愈大，𠵱家唔keep將來就更加難keep，做呢行身型管理都係一個責任嚟嘅。」