廣告（請繼續閱讀本文）
無綫花旦李佳芯與高海寧晚上在將軍澳電視城為節目《娛樂大家》最後一集錄影。李佳芯笑稱玩這個遊戲節目蠢反而會贏，高海寧笑說：「好在我冇贏過，我玩狼人殺比較叻，但唔係高手，因為我講嘢冇人信。」李佳芯笑謂：「即係全世界都以為你扮豬食老虎，點知你真係豬。」
廣告（請繼續閱讀本文）
李佳芯自言玩cheat chat遊戲最叻，但卻經常一開口就自爆，不過會保持這風格。兩人又笑指黎諾懿和楊明都是豬隊友，李佳芯笑說：「男人都係衰嘅。」
講到聖誕節，最近學烹飪的高海寧則相當「麻甩」指會親自下廚開羊腩煲聖誕派對。正在休息的李佳芯近期除了去旅行，還換了一位唱歌老師。問到該老師是否也教不好她的歌藝？李佳芯笑說：「我比較慢熱，依家開始有啲開竅，有信心越唱越好，希望有日有人讚我原來做戲同唱歌都咁好。我嘅目標係要開一個迷你演唱會，同埋邊度跌低就要邊度起身，終有一日會再挑戰唱《小幸運》。」高海寧笑說：「《小幸運》好難唱，降低半個Key就容易好多。」
東網網站 : https://on.cc/
廣告（請繼續閱讀本文）
東網Facebook專頁 : https://www.facebook.com/onccnews/