【兩公婆互閃】秦舒培30歲生日 陳冠希為「老婆」影相慶祝

尋日係陳冠希女友，內地名模秦舒培30歲生日。女皇牛一咁大件事，Edison當然要隆重其事，佢訂咗蛋糕又買到成屋都係花，又焗咗盤肉醬加碟炒荷蘭豆作為Birthday Dinner。留心睇，個蛋糕上寫咗段咁嘅字，「Happy Birthday To The Best Mommy & Wife Shupei」，陳生之前講過「結婚只係一張紙，同秦舒培及女兒過得很開心。」咁最終兩人有冇結婚就真係唔知嘞。「陳太」好開心，因為可以攬住囡囡Alaia過生日，小妹妹仲唱咗生日歌畀媽媽聽，第一次聽Alaia把聲，沙沙哋有啲熟識。壽星女話過咗一個簡單嘅生日，陳冠希即補充，簡單但優雅。其實尋日下晝，一家三口去咗玩水，陳冠希攝影癮起，仲幫着住超性感泳衣嘅「老婆」影相，而秦舒培亦為瞓住水泡曬太陽，囡囡又責住陳冠希嘅一刻影低，留言:「My best 2 presents」，兩公婆玩互閃喎。