《全民造星3》總決賽於12月26日晚上舉行，最後亞軍由陳葦璇獲得。陳葦璇原名陳嘉茵，為2015年出道的香港女子組合，而其實組合中的26歲成員蘇皓兒一早已成功入屋。在無線劇集《那些我愛過的人》演林文龍女兒，經常著住校服出鏡，爽朗活潑學生妹形象入晒屋，當大家以為外表鄰家清純活潑的Chloe，與其劇中角色一樣在父愛下成長，有個幸福家庭兼是校內高材生，原來現實與角色有反差， 14歲便選「YES! 」校花入行的她，學業成績麻麻，兼與家人關係疏離，年紀輕輕已賺錢自立，兩年前更與現年41歲的王宗堯發展忘年戀兼同居，經歷幾估佢唔到！不過，年初宣布分手回復單身，女神即轉運，除了新劇受歡迎，單身再上市又多仔埋身好搶手！
撰文、圖片：東方新地
蘇皓兒獲TB侍候 蝸居大角咀唐樓 異性緣超旺
26歲文青女神蘇皓兒（Chloe），從小缺乏父愛， 令Chloe特別鍾情大叔，18年被揭與大她十六年的王宗堯發展忘年戀，達同居階段，更一度因拍拖被公司雪藏，直至今年初終於覺醒要為前途打算，與王宗堯分手火速搬走過獨居生活。據知情者透露：「做Model收入有限，加上大半年以嚟受肺炎疫情影響，幾乎冇晒工作，所以Chloe乜都要慳住使，依家租住大角咀唐樓，嗰度租金唔貴，佢先可以應付到。」不過新劇受歡迎，女神亦變搶手，除了被網民熱烈追捧，日前，有「女神收割機」之稱的羅天宇，忽然在社交網晒出與Chloe在籃球場並排坐的相片，明顯對女神虎視眈眈，而四年前欽點過Chloe拍MV兼傳過緋聞的方力申，日前又推薦女神參與籃球賽活動，對Chloe照顧周到。
人氣穩步上揚，Chloe亦珍惜機會忙於為新劇宣傳，日前出席完宣傳活動，即與TB助手匆匆離開電視城，TB助手更為Chloe攞住手提袋，貼身侍候周到，之後二人一同坐車返回大角咀寓所，Chloe上樓放低物件之後，又孖住出動到銅鑼灣行街，靚女果然不愁寂寞！
被封「翻版周慧敏」參加「YES! 」校花選舉入行
近日在新劇《那些我愛過的人》演學生妹角色彈起的蘇皓兒，爽朗活潑外形夠晒Fresh，令觀眾眼前一亮，成功入屋更吸納到大班宅男粉絲。雖然外表清新又清純，不過現年26歲的蘇皓兒，其實人生閱歷豐富， 14歲已參加「YES! 」校花選舉入行做兼職模特兒， 17歲簽約太陽娛樂旗下，15年21歲的她，加入女團As One與其他成員一同到韓國受訓，可惜做唱跳女歌手僅兩年，在17年As One便解散，Chloe只好重返模特兒界，清純可愛外表令她機會不斷，拍過不少廣告，最令人印象深刻是18年與樂隊Dear Jane拍攝檸檬茶廣告，清純長髮Look勁似「玉女掌門人」周慧敏，因而有「翻版周慧敏」稱號。
自爆與家人關係疏離 表演慾強最想做演員
在圈中兜兜轉轉，直至18年Chloe終被無綫睇中，有份拍攝劇集《那些我愛過的人》，在劇中演林文龍女兒姜子優一角，討好學生妹形象為她加晒分，劇中與林文龍父慈女孝家庭好有愛，但原來同Chloe真實人生不一樣。日前她在訪問上便透露自己與家人關係普通，更坦言讀書成績麻麻，愛耍小聰明，她說：「我同家人關係好普通，面對家人，自己唔識表達，加上長大之後想有私人空間，同角色係有啲反差！」據知情者透露，Chloe自小不斷被人讚靚，求學階段已經常發明星夢，參加「YES！」校花選舉，都係想搵機會。「由細到大佢對讀書都唔大興趣，反而好有表演慾，選完「YES！」校花，佢畀星探發掘入行做Model，每次Casting 佢都好緊張，一定悉心打扮一番，佢係機會主義者，好似本身唔係太鍾意唱歌，但被選中加入女團As One，佢都把握機會去試，好勤力練歌同練舞，不過佢最大心願其實係想拍戲，所以能夠拍到無綫劇，佢真係好開
心，依家多咗人認得，佢亦好有滿足感！」
蘇皓兒十二年上位路
14歲已經選「YES！」校花入行做兼職模特兒的蘇皓兒，不經不覺已經出道十二年，閱歷豐富。