【真人版春麗】內地網紅「金剛芭比」懷孕7個月　腹肌大過B

現年30歲內地網紅袁合榮擁有典型「網紅樣」，眼大鼻高，但身材卻有別於楊冪出名嘅筷子腳，竟然係滿身肌肉，網友覺得佢嘅身材與甜美臉孔反差極大，因此封佢為「金剛芭比」。

除咗係網紅身份，原來袁合榮任職中醫師，不過最令人驚訝，佢竟然係一位準媽媽，現懷孕7個月，身形同個肚完全睇唔出係一名孕婦，難怪有網友都質疑：「肚還是那麼小」、「這真的是孕婦嗎？」活躍於社交網嘅佢人氣高企，擁有41.3萬粉絲追蹤人數，經常將做健身嘅相同短片分享到社交網，就算懷孕期間仍然積極操練，仲大膽全裸玩倒立，睇到網友嘩嘩聲！

有網友話，袁合榮同動漫《HUNTER×HUNTER》比斯姬一樣，睇落成個小蘿莉咁，但實際上都係爆晒肌，真係人不可以貌相！其實佢曾經都玩過Cosplay扮春麗，着上藍色旗袍、紮住兩個高髻，擺出多個招牌動作，將「春麗」神還原！

東網網站 : https://on.cc/

東網Facebook專頁 : https://www.facebook.com/onccnews/