香港人「滯留」香港，放假有甚麼有趣新玩意？除了Staycation、行山、野餐等，原來近在美孚就有最新假日好去處。美孚新邨2021新開幕的Simply Bowls室內草地滾球場，玩過就知有趣味又富挑戰性，新手玩完形容有點像保齡球及桌球混合，大人小童都會一玩愛上，適合朋友、情侶、一家大小去玩，絕非坊間誤會的「老年遊戲」，場內另設飛鏢機、足球機、泰拳班，更有意式餐廳提供All day breakfast、香檳、法國生蠔、招牌鹹豬手等美食，絕對可以玩足一日。
3大主題區 玩完歎豐富美食
位於美孚新邨第四期的 Simply Bowls草地滾球訓練基地，前身就是美孚著名的保齡球場，佔地達24,000呎，新場除了有符合國際標準的草地滾球場地，更有3大主題區域，包括運動區、娛樂休閒區及餐飲區，門口有隻4000粒LEGO砌成的大恐龍打卡位，非常搶鏡。最抵玩的全日通行證，$280就可以玩足一日，可玩草地滾球、法式滾球、足球機、飛鏢等！值得一提，場內意式餐廳Beans Bistro出乎意料地有驚喜，必食德國鹹豬手、法國生蠔、牛扒、All Day Breakfast、炸雞啤酒，甜品方面，自家制雪糕芝士餅配方味道獨特，也極為討好。
主題區1. 草地滾球場及法式滾球場
如果認為草地滾球是老人家的玩意，就大錯特錯！作為新手玩後評語是：「好玩又有挑戰性，就似保齡球及桌球混合，玩家要瞄準滾球角度，控制腕力臂力，更要思考得分策略，絕對鬥智鬥力！」新手上路可參加一小時草地滾球入門班，朋友聚會、情侶約會、親子活動都合適，小朋友更會有簡易遊戲版，甚至playgroup，務求令大人細路都會感到好玩易上手。
Simply Bowls兩位創辦人Vivian及Dorothy有多年草地滾球經驗，Vivian更有打香港隊，所以場地設施佈局除了打卡靚之外，更達專業級運動水準。Simply Bowls單是草地滾球場已有標準的6條rink，佔地超過一萬呎，她們希望令草地滾球這項運動更普及，所以特別混合各種玩樂元素，更把草地滾球與健身、健康、消閑等crossover，場地亦歡迎公司team building活動，務求令更多人接觸這項運動，享受草地滾球的樂趣。
尤其親子班草地滾球課程，地上會有彩虹計分墊及恐龍座標，打破常規的教法非常有趣，小朋友玩得投入，輕輕鬆鬆就學識草地滾球基本技巧。另外場內亦設法式滾球Pétanque，規矩比較簡單隨意，球手只要在碎石球場上原地雙腳不離地，以拋物線拋擲滾球，最接近目標球就可以得分，最適合初學者與家人、情侶、朋友一較高下。
主題區2. 健身區做Gym玩泰拳
Simply Bowls並非只有草地滾球及法式滾球運動，球場旁邊的健身區佔地也有4000呎，設施非常齊全，部份區域更可以一邊做Gym一邊欣賞草地滾球比賽。另外更同時提供泰拳及兒童泰拳班，非常多元化。
主題區3. 餐廳及休閒娛樂區
要數場內最驚喜的，竟然是食！意式餐廳Beans Bistro除了可以悠閒安坐欣賞草地滾球，食物亦具水準，早午晚餐及下午茶一應俱全，就算不打球，也可以來用餐及在旁邊玩玩飛鏢機及足球機。
Beans Bistro 主打的法國⽣蠔La Lune是以 4 年時間硏究培養的新品種⽣蠔，食落味道獨特，肉質飽滿，口感細滑帶清甜海⽔味。
主菜方面特別推介大大隻的香脆德國咸豬手，烤至金香鬆脆的外皮，咸香滿溢的肉質，配上酸菜及法式芥末醬，風味十足。
餐廳對素食者都很照顧，推出6 款素食，包括賣相與鋸扒相似的扒意式雜菜，以及素肉漢堡包，厚切素肉香口之餘有清新感。
甜品則推介Beans Bistro 自家制雪糕芝士餅，大廚將芝士餅與蛋糕混合而成，不人但外型高貴，私家配方口感及味道均非常獨特，令人一試難忘。
周未及假日限定早餐系列有中西選擇，西式方面推介斑尼迪蛋伴煙三文魚及英式鬆餅，斑尼迪蛋切開會流出湯的完整圓形水波蛋，流心蛋黃令人流口水。而美式早餐 ALL DAY BREAKFAST有煙肉、雞蛋、牛仔腸、煙三文魚、蕃茄、焗豆、炸薯餅，非常豐富。
下午茶餐選擇多多，有雞翼薯條、日式叉燒拉麵，必食推介有特色一口西多士拼炸雞粒，一口一粒的西多士外層金黃香脆，淋上糖漿及牛油，好食得不得了，做完運動邪惡一下也無妨吧。
Simply Bowls
地址︰美孚四期商場1樓(美孚地鐵 A 出口)
營業時間︰星期一至日 7:00-23:00 (建議先預約)
預約電話：2320 0018 或 Whatsapp 5703 5404
Beans Bistro
地址︰美孚四期商場 1 樓 Simply Bowls 內 (美孚地鐵 A 出口)
營業時間：11:30-23:00，星期六日及公眾假期8:00開始供應早餐
訂座電話： 2320 0919 / WhatsApp 5540 8364
撰文及攝影：凱林
