城市大學有近20名身穿黑衣並戴上口罩的學生,早上9時在校內舉行集會和遊行,呼籲學生杯葛稍後進行的副校對話會。
楊同學表示,校方只讓40名學生參與對話,亦不公開給傳媒以至校媒採訪,形容是「小圈子閉門會議」,明言學生即使被抽中,亦不會入內與副校長對話,直至校長郭位願意公開對話。該批學生表示,要求郭位就近日的反對修訂《逃犯條例》示威公開與學生對話,並承諾保護學生及譴責警暴。
他們手持「杯葛閉門會議」、「公開對話」標語,並高呼「還我郭位,公開對話」及「保護學生,譴責警暴」口號,明言被抽中的學生均不會入內對話。
他們其後到對話會場外繼續高呼口號,並將寫上「亲,不要再龜縮喔」、「有種就躲回台灣,枉為一校之長」字句的紙張貼在門上,期間有被抽中參與的學生欲開門進入,但被其他學生阻止後,便戴上口罩並加入該批示威學生。
到早上10時許,一名聲稱被抽中的學生要求入內,示威學生便趁機湧入內。城大對外事務及傳訊部總監靳清松其後出現,轉述上級指,本地本科生節的對話會已取消,學生質疑是否針對本地生、校方有甚麼考慮因素。目前,學生以靜坐形式抗議。城大學生聲明:
咁多位傳媒,城大學生,教師。點解我哋今日要朝頭早9點去呢到?
上星期三學生事務副校長葉豪盛教授係u circle同我哋對話,話學校有責任支援學生,保障學生安全,但我哋問佢有警務人員喺校園範圍武力制服學生,佢就答「我唔知,保安(冇)同我講」,我哋問佢知唔知有幾多城大嘅學生比人拉,佢又答「唔知,學生會冇同佢(我)講」,然後佢又承諾話校方會解答我哋學生問題,舉行公開對話,但我哋咁耐以嚟得到啲咩嘢?學生會一個鐘收到36條問題,然後學校冇回應過;舉行公開對話,本地生得40人嘅所謂公開對話,連地點都冇公開嘅所謂公開對話。仲有,城大校長郭位呢?學校專用嚟告老師嘅法律團隊呢?葉豪盛教授,你嘅公開對話,話保障學生安全,其實係唔係你兩個副校長嘅公關show,喺學生眼中,只係一場唔好笑嘅棟篤笑。
我哋真正要嘅,係一個公開對話,一個全部學生都可以發表問題嘅公開對話,一個可以真正承諾保護學生嘅公開對話。請問,我哋只係唔想喺ac1食下飯傾下時勢果陣,發現原來一個警察坐喺我哋隔離;我哋只係想有病有痛果陣,戴口罩唔會比人問話甚至制服。我哋只係大學生,要一個自由嘅學習環境一啲都唔過份,郭位教授,你喺呢度就最大,一校之長,學生需要你,而你絕對有能力同埋亦有責任保障呢個地方,保障學生。能夠代表一間大學嘅,唔係排名,而係學生、老師同埋你嘅管理。你已經避左四個月啦,唔可以再扮唔知扮睇唔到啦,學生需要你。
建立時間:10:48
更新時間:12:27
W.M. 「荒誕香港編」🗿
🚫破壞鐵路就歌頌,然後無塊好肉時,鐵路停駛,就鬧人蓄意唔維修,阻塞市民。
🆘打到異見人士變成血人,就情有可願,警察執法拘捕就叫濫捕。
❎打爛所有CCTV,用傘檔住啲罪行,用口罩遮住啲醜惡,轉身就話光明正大,要人交出啲CCTV,大義凜然咁話還原真相。
❌自己去商場貼流濃牆,唱曱甴歌,叫粗口,阻人做生意就話公眾地方自由表達,警察一行入嚟執法維持治安就即刻變咗私人地方。
🆓你圍住別人唔俾人走就叫言論自由,別人唔認同就起人祖墳,拆人店舖,傷人放火,然後就幫人扣上個黑警、黑社會、黑店嘅高帽。
📛濫用私刑,打到人半死,就搵兩個黃間條戲子幫人急救,就叫動容; 將人間舖變成廢墟,然後擺低兩百,就叫公義。再搵幾間黑傳媒老友幫你宣傳。
❓話你有冇睇片警察點解要使用武力呀?總之警察使用武力就唔啱。但暴徒嘅武力就係迫於無奈。總之咩都係迫於無奈。
🔇唔夠人講就講就話「721,831」然後用100倍嘅暴力對付警察同老弱婦孺。又叫防暴係現場剝咗你所謂嘅「黑警扮暴徒」嘅面罩,方便起人底!
💬歪理當真理如撞邪一樣,是非不分,黑白顛倒,「殺人放火金腰帶,修橋補路無屍骸」就係今日嘅香港。
2019年10月14日03:53
Chris_ 唔好玩啦。
今時今日,唔係學生要受保護,係市民要受保護唔好比學生打囉
2019年10月14日03:56
Man 連警察都打,仲要保護?
甘叫ISIS保護你地
2019年10月14日03:28
那公開對話第一件是問飛腳踢警察,第二件事是介刀割警察,第三件是搶警槍,第四件事是周圍攪破壞,第五件事阻塞交通,要求解释五大诉求!!要求學校怎样教育教了暴徒,教了廢青岀來?強烈要求解释
2019年10月14日04:06
不平人 你话你地係大学生都冇人信啦,黑社㑹多啲
2019年10月14日04:03
顯示全部