廣告（請繼續閱讀本文）
今日係日本知名女星中森明菜嘅生日，成長於八十年代嘅樂迷，相信唔會對呢位82年出道、紅極一時嘅歌姬感到陌生。當年嘅佢，樣子甜美，對眼特別大，仲尖尖嘅下巴，輕易迷倒唔少男生，就連「哥哥」張國榮都為佢心動過！
至於明菜啲歌，好聽又夠Hit，代表作包括《少女A》、《禁區》、《十戒（1984）》、《DESIRE -情熱-》、《難破船》等等，能夠連續兩年奪得日本唱片大獎，當然唔係浪得虛名，難怪好多港、台歌手都曾經改編過佢嘅名曲，包括「哥哥」同「梅姐」都翻唱過佢嘅作品。考考大家，相中嘅兩幅MV截圖，你記得歌名嗎？
答案係《第一次》（右上角）同《裝飾的眼淚》（右下角）。前者收錄於張國榮喺1985年推出嘅第5張專輯《為妳鍾情》，旋律改編自《禁區》，當年明菜憑住呢首冠軍歌，首次進身《日本紅白歌唱大賽》。後者則收錄於梅艷芳喺1987年推出嘅同名專輯，改編自明菜嘅歌曲《駅》，作曲人係日本著名音樂人竹內瑪利亞。
廣告（請繼續閱讀本文）
東網網站 : https://on.cc/
東網Facebook專頁 : https://www.facebook.com/onccnews/