陀B都咁貪靚！潮媽陳凱琳爆炸頭上陣曬小性感

29歲無綫女星陳凱琳（Grace）上年為50歲老公鄭嘉穎誕下仔仔承悅（Rafael）之後，今年5月再宣佈陀B，兩年抱兩認真幸福。雖然正在專心養胎，但Grace一樣貪靚，今日就在個人IG公開幾張炸頭性感造型照，展現「潮媽」一面，即時得到一眾媽媽粉絲大讚。

在公開的相片入面見到換上一個爆炸頭的Grace打扮得超性感，以吊帶短身背心上陣，對住鏡擺出一連串誘人表情，「熱」度十足！據知，為了這個新造型，Grace足足花了三個小時：「我同佢（髮型師）講『咁辛苦晒你啦！其實我真係好鍾意玩唔同嘅造型，好創新，好特別，將來湊住兩個小朋友嘅時候就未必有時間⋯哈哈！不過識得我嘅人都知道我都會搵方法嘅，希望大家都鍾意今次呢個爆炸頭！等我睇吓下次又有啲咩嘢嘅新玩意先。』」