Canon PIXMA系列　花紙、美甲貼紙任你Print

過幾日就開學，唔少人都會用花紙來包書，不過去書局買花紙成本咁高，倒不如自己列印花紙仲划算，而全新Canon PIXMA TS8270、TS9570多合一相片打印機，分別支援打印A4和A3尺寸花紙，仲有45種圖案紙範本畀你揀，包書、包禮物、自製剪貼簿話咁易。

美甲貼紙打印

先講講備有白、黑、紅三色機身選擇的TS8270，外形四四方方相當靚仔，底部融入鏡面設計，機身更見時尚纖細，機面配以4.3吋大型觸控式屏幕，更可手動翻起調校角度，操作夠便利，而且配備6色獨立墨水系統，特別加入藍色墨水，大大提升色彩的層次感。

至於TS9570就以小巧見稱，機身只比同級A4打印機闊3cm，卻有着一倍的打印尺寸，同樣備有4.3吋觸控式屏幕，並支援5色獨立墨水。除了打印花紙外，兩機最好玩是支援美甲貼紙打印，可自行揀選喜歡的相片或圖案打印成美甲貼紙，不過需要配合11月推出的手機App才能使用，令人相當期待。

同場還有CanoScan LiDE 300超薄掃描器，機身厚度僅有42mm，加上只需10秒即可掃描A4彩色文件，而且使用USB供電，就算帶出街都冇問題。