李璨琛被老婆曬BB照對比 同兩個女神複製連鼻哥窿都一樣

李璨琛BB相同兩個女一樣樣。

李璨琛（Sam）與老婆梁志瑩（Sophia）育有兩女，自妹妹Sucy（李斐斐）出世後，網民都話同家姊Lucy（李元元）好似樣，還奇怪Sam兩公婆都高高瘦瘦，兩個女就圓碌碌成個波咁。
今日（23日），Sophia在ig以Sam與兩個女的BB照做對比，3張相個樣一模一樣，故她留言：「李老豆（竇）單性繁殖左（咗）李斐斐出嚟，撥嚟撥去其實三個都係李老豆（竇）嚟，完全冇老母嘅基因 #到底發生過什麼事」。

Sophia笑指李璨琛是單性繁殖。

3父女撞晒樣，網民大嗌：「好亂呀，究竟邊個係Lucy？邊個係Sucy哟？兩個都有牛精強feel呀」，更有網民笑稱：「根本就係用app改圖」、「連鼻哥窿都係一樣㗎，神複製」，亦有網民幫Sophia拆解疑問：「李老母你誤會喇…只係因為李老母同李老竇都好似樣」，但Sophia堅決否認謂：「痴（黐）線」！