廣告（請繼續閱讀本文）
廣告（請繼續閱讀本文）
內地女星李小璐同賈乃亮於2019年結束7年婚姻，當時被爆婚內出軌Hip Hop歌手PG One，令人震驚！李小璐離婚後淡出演藝圈，轉戰做網紅，主力做直播帶貨，今年初有傳李小璐同賈乃亮低調復合，但事後賈乃亮透過工作室發聲明否認。
李小璐又指疑另有新歡，早前曾被影到與1名Hip Hop風格打扮嘅年輕男子結伴同行，仲一齊返歸過夜，不過雙方又未有公開承認戀情，本來以為佢哋嘅緋聞會無疾而終，不過近日被網友爆料，影到佢哋再度同框，當時佢哋一齊現身北京，男方好認真咁幫李小璐影相，影完之後李小璐都有拎相機睇吓影成點，兩人甜蜜嘅互動，被網友推測戀情穩定發展中，有網友就認出緋聞男友係李小璐開設網絡商店嘅專屬攝影師，因而令外界對佢哋嘅關係非常好奇呀！
東網網站 : https://on.cc/東網Facebook專頁 : https://www.facebook.com/onccnews/
廣告（請繼續閱讀本文）