姜濤渴望29歲退休兼打算移民外國 公開擇偶條件已改變！

MIRROR近期爆紅，一舉一動都成為熱話，日前人氣王姜濤就接受美國華語節目《偶像名人堂》訪問，直言曾因為工作繁重而引致情緒出現問題，更透露渴望29歲就可以達成退休的願望，到時移民外國生活。

姜濤在訪問提到初時曾不太適應太多工作而令自己情緒有少少問題，幸好得到公司體諒，加上自己轉換心態將工作當成娛樂同生活，學識跟工作人員溝通，令他可以寓工作於娛樂。姜濤又形容花姐尤如「阿媽」一樣的存在：「有時好溫柔、有時好惡，做咩都係為咗我哋好，係一個百份之百信任嘅人。佢有時會有情緒、鬧人，你當下可能好驚，但冷靜落嚟諗返，一定係為咗你好先會咁做。佢真係一個好複雜嘅人，亦係一個好簡單嘅人。」

姜濤亦大方分享擇偶條件，透露如果一年前被問到理想型，他會有特定條件如：長頭髮、肥肥哋等，但現在想法改變了：「鍾意嘅人，唔係話佢要咩標準。如果你鍾意一個自己標準嗰個人，你要問下自己係咪真係鍾意。如果你係因為呢啲setting去鍾意一個人，我唔覺得呢個係愛情。我唔會俾自己有任何嘅嘢去框住。」最後姜濤更笑言希望29歲就可以退休及移民外國，又指一定會去一次紐約，當主持人表示紐約有很多粉絲在等他時，姜濤就笑言：「到時大家可能認唔出係我呢。」