廣告（請繼續閱讀本文）
李龍基今天（13日）到觀塘出席機械人命名發布會，表示若然買機械人，會改名叫「基仔」，不過只用於做家務，揼骨就有將出獄的未婚妻王青霞（Chris）代勞。問他是否已準備婚戒？他笑道：「唔使，我哋講心，搵條橡筋箍住就得，佢都唔太注重物質，有冇婚戒都冇所謂。」他稱會先準備火盆及碌柚葉，Chris事業心重及喜歡小朋友，出獄後應該會從事教育方面工作。
李龍基坦言與Chris一起至今仍未見過家長，待Chris出獄後便買西餅拜訪，不會染髮及穿西裝傾禮金，他說：「Chris父母初初好反對我哋，雖然我年紀比佢爸爸細，但大Chris 30幾年，睇到我對佢哋個女經歷風風雨雨都不離不棄，相信因而感動佢哋，Chris屋企叫做有錢，唔太注重呢方面，都封番封利市，多謝佢父親將個女嫁畀我。」
（即時娛樂）
廣告（請繼續閱讀本文）