行人可優先使用斑馬線橫過馬路,但一名無品司機竟照衝。網上流傳一段車Cam片,當中顯示秀茂坪邨一名老伯正在過斑馬線時,一輛私家車駛至但無減速停下,反而踩油直衝,差點撞到老伯!警方於今早(11日)在屯門區拘捕一名51歲姓陳男司機,涉嫌危險駕駛,陳男現正被扣留調查,而涉案車輛亦被扣留檢驗。
根據影片可見,事發於昨日早上10時許,幾名行人在秀茂坪邨秀潤樓對開斑馬線過路期間,一輛Tesla私家車從遠處駛近,一名撐著拐杖的老伯見私家車未有停下,遂停下腳步小心觀察。私家車司機見狀,竟立即「踩油」向前,險些發生意外,老伯亦生氣地作勢以拐杖敲向私家車車尾。
廣告(請繼續閱讀本文)
警方重申,上述行為嚴重危害其他道路使用者的安全。違例者一經定罪,最高刑罰為監禁3年及停牌至少6個月。
根據運輸署資料,斑馬線兩旁劃上「之」字線,用以警告駕駛者,可能有行人正在橫過或等候橫過馬路,而駕駛者必須讓路給在斑馬線上的行人。
廣告(請繼續閱讀本文)
影片來源:的士司機資訊網 Taxi
建立時間09:19
更新時間15:22
A k a n e 有錢人,有權勢既人畢嬲可以打橫行架,2019年後更加睇得清楚
🥱🥱🥱🥱🥱🥱
2021年11月11日08:31
B 香港大量垃圾司機經常都踩油衝斑馬線
2021年11月11日10:53
Jacky 宜家有車有牌嘅人多識揸車嘅人少!成日以為有個牌就識咁!揸車冇品到極!
2021年11月11日09:02
Koala🐨 拉得好!拉得妙!拉到呱呱叫!伯伯~有人幫你出頭啦
2021年11月11日08:56
⭐⭐星夢⭐⭐ 呢D畜牲一句無品,有一必有二, 揸靚車或有錢人唔係第一,有品先係,揸車無品心急嗰D人,意外天收係遲早!
2021年11月11日08:50
顯示全部