早喺 2017 年於西營盤開業嘅咖啡店 Blossom，西營盤本店早前重新裝修，今個星期終於以新面貌示人！將咖啡吧枱換上黑檀木，掛起日式布簾，添置啡色沙發座，牆邊高身桌椅也換了配合日式及木系嘅款式，一改以往舊店嘅樸素設計，現在與九龍城及灣仔店嘅風格更貼近！
廣告（請繼續閱讀本文）
餐牌也來一個大翻新，以北海道班戟作主打，創作出不同口味嘅鹹點及甜品。班戟所用嘅拌粉為店主到日本旅行時搜尋發掘，因此夥拍供應商將之獨家引入香港，製做成一系列日式造型嘅厚身甜味班戟 ($78-$128)，原味班戟配以紫薯、栗子、宇治抹茶口味嘅配料，另有混入紅茶嘅班戟，可配搭焦糖白桃、琥珀核桃兩種口味。
更特別係將班戟製成鹹味菜式，卡邦尼班戟（$128）於班戟面層淋上 Carbonara 嘅忌廉醬汁及煙肉粒，另附一顆生蛋黃讓客人自行倒上班戟之上，伴着烤南瓜及沙律吃，分量與一般鹹食主菜無異，其他鹹味班戟包括煙三文魚鱷梨班戟、波甚班戟全日早餐、焙根炒蛋班戟等。
廣告（請繼續閱讀本文）
飲品方面除咗咖啡，特別加入各式茗茶，包括陳放 8 年嘅白茶，香氣溫和而口感順滑，是咖啡以外嘅舒心之選。
地址：半山般咸道 63B-F 2 號舖
營業時間：9am-6pm
廣告（請繼續閱讀本文）