廣告（請繼續閱讀本文）
廣告（請繼續閱讀本文）
《萬千星輝賀台慶》今晚（19日）舉行，其中一個環節是「值得被看見的凡星」，亦成為全晚最感動及賺人熱淚的環節，一眾後起之秀的無綫藝人自我介紹並唱出陳蕾的《凡星》，觀眾席上的曾志偉和樂易玲被感動到眼濕濕。
譚俊彥（Shaun）和張振朗負責頒「全台力撐潛質男﹑女藝人」，分別由已故藝人廖駿雄的兒子廖家爵，以及女藝人曾文心奪得。
廣告（請繼續閱讀本文）
當Shaun頒獎給廖家爵之前，他先提到：「我同呢個朋友合作一部電視劇，我哋演同一個角色，即係佢演我後生版，然後我同佢有一個承諾，我拍戲時你陪住我，你拍戲時我陪住你，結果佢做到呢個承諾。有一日入到間廠，係一個醫院場景，佢要演嘅戲係『我爸爸病咗，佢就嚟唔得。』佢嗰日演得好好，因為行番出廠後佢同我講，佢爸爸真係病咗，佢真係就嚟唔得，但佢好敬業咁完成每一個鏡頭，所以我今日想介紹呢位新人畀大家認識，你嘅努力所有人都會睇到，包括你爸爸，廖家爵。」
廖家爵獲獎時爆喊說：「我真係唔知講咩，我冇諗過拎呢個獎，多謝公司，多謝畀呢個獎我，媽，喺呢度我攞第一個獎，老竇你𠵱家唔喺度，但我知你會睇到。」
（即時娛樂）