廣告（請繼續閱讀本文）
「聲夢小花」鍾柔美（Yumi）推出全新單曲《Masterpiece》，歌曲以達文西經典畫作《蒙娜麗莎》作主題，展現出自信的態度，毋須刻意討好別人，知音者自然而來。為呼應歌曲主題，MV於畫廊取景，Yumi換上三個造型，其中首次以「眼鏡娘」造型示人，非常搶眼。
廣告（請繼續閱讀本文）
Yumi快將18歲大個女，今次MV亦有自己主見，參與討論合作班底及服裝造型，務求將自己的想法原汁原味地呈現在MV之中，她表示非常滿意今次的造型。除此之外，今次MV有一大挑戰，就是要即場學舞步，更要以鏡像形式再跳一次，拍攝期間她表示：「好緊張呀！要即場學隻新舞。因為MV入面我要喺現實世界跳一次，然後再演一次畫入面嘅角色再跳多次，所以要左右調轉，真係腦筋急轉彎！」
雖然要通宵拍攝，不過經歷過拍攝劇集《特勤女團》（暫名）訓練，Yumi表示能夠應付：「之前拍劇嗰陣，開鏡時間唔同，都試過長時間拍攝，所以今次通宵拍攝都冇問題，最緊要作品出嚟靚就可以！」
東網網站 : https://on.cc/東網Facebook專頁 : https://www.facebook.com/onccnews/
廣告（請繼續閱讀本文）