嗌阿姐做阿荃？ Kay孖汪明荃鬥舞：我哋叫「荃盛時琪」

汪明荃（阿姐）和謝安琪（Kay）素有交情，Kay早年在紅館開騷，曾邀阿姐做嘉賓，近日Kay一段多年前在森美﹑火火和劉翁主持的電台節目《公子會》片段被重提，內容提到Kay曾向阿姐大膽發問：「我有同阿姐傾過偈，有問佢︰『你介唔介意我叫你「阿荃」？』」

火火和森美忍不住爆笑，Kay表示當時好認真問阿姐：「其實你最親切嘅人，係點稱呼你，會唔會叫你『阿荃」？」Kay演繹阿姐當時語氣，相當傳神︰「佢（阿姐）好認真咁答︰『冇呀！』我問叫你『阿荃』會唔會親切啲？佢話︰『冇人咁叫！』」

今天（6日）阿姐在Ig貼出和Kay的跳舞片，歌曲是阿姐的紅館演唱會主題曲《Make my day》，阿姐和Kay表現甚合拍，阿姐在Ig的留言隔空回應Kay當年提問，阿姐寫道：「無人嗌我阿荃㗎啵！嗌我Liza啦！」Kay亦在阿姐該Ig留言：「我哋呢個組合叫做"荃盛時琪"。」不少網民亦發揮食字創意幫手改2人組合名：「兩荃琪美」﹑「華麗荃琪」等。

（即時娛樂）