《焚城》昨晚（10月24日）舉行群星首映禮，導演潘耀明率領一眾演員出席，包括莫文蔚（Karen）、謝君豪、王菀之（Ivana）、王丹妮、何啟華（Dee）、魏浚笙（Jeffrey）、梁仲恆、林保怡（Bowie）、王敏德、周文健、林家熙、黃愷傑、許恩怡、郭偉亮、張達明、白耀燦、張達倫、張松枝。
莫文蔚近年比較少參與幕前演出，今次難得演出全因劇本及陣容吸引：「單是卡士已經無得say no，全部都係好戲之人，加上相隔19年再跟劉德華合作，好開心好開心。另外電影是非常難得的作品，好少有咁大規模嘅災難片，加上深層的訊息其實好有意義，希望大家用心去欣賞。」Karen又提到戲中跟華仔角色一開始對立，她感謝華仔帶動她情緒演出：「一開始收到劉生邀請演出，可以參與這部戲好興奮，仲有跟佢場場戲喺度鬥法，感覺好爽。」
戲內飾演Karen助手的Ivana，兩人同聲表示今次首度合作感覺一見如故，Ivana：「Karen係我超級偶像，其實拍之前好緊張要跟佢同場。」Karen又表示期待二人在其他範疇合作，Ivana就希望可以為對方寫歌。至於林保怡，他在戲中亦屬於政府陣型，他表示興奮，終於可以接演高官角色，飾演消防局局長。
豪哥、Jeffrey、阿Dee、Locker就分享票房報捷有何福利送給影迷，一開始大家你推我讓，其後Jeffery就表示收3000萬會露肩，8000萬就表演噴水，其他人就大賣關子，表示到時會有驚喜送給大家。戲中一班消防員拍畢後齊齊變老友，阿Dee指皆因有豪哥在場，大家合作得相當愉快：「君豪哥係令你好快放鬆到，感覺好近，無乜壓力，好畀信心我哋新一輩演員。」Locker又笑指豪哥似小朋友，在片場經常拿著心愛的相機周圍影相，豪哥就笑言收藏演員們大量黑圖，至於Jeffrey 亦都被豪哥影響購入相機，更即場在記者面前分享「曝光三大要素」，證明自己學有所用。