黎瑞恩在社交平台上載照片,相中的她眼睛及眉心位置又紅又腫,還損了一片。她說︰「我係想同大家講,我病咗呀!上次同大家開完Live之後,隔咗兩日,發現隻眼好唔舒服腫咗,初時以為自己生眼瘡,點知睇完醫生話我隻眼生蛇,唉!我成個人最靚就係對眼,點知…上次Live已經係7月23日,條🐍搞咗我差唔多已經一個月喇,因為疫情,舞台劇改咗在家ZOOM排練,初時都有頂硬上,但愈來愈辛苦,最後都要向劇團告假,喺屋企大概休息咗3個禮拜,病情反反覆覆,依家好似已漸入佳境,但係就非常痕癢,希望盡快好番,等到差唔多好番曬(晒),就可以同大家見面,暫時仲要繼續忍一忍。尋(噚)日收到舞台劇通知,因為疫情要延期,非常可惜,不過希望大家體諒,6月見大家喇,好掛住大家呀!更要多謝《男人40 CEO》劇團各位隊友,呢段時間辛苦大家啦!」
廣告(請繼續閱讀本文)
(即時娛樂)
A k a n e 藍屎啲報應真係黎得快
🤭🤭🤭🤭🤭🤭
2020年08月16日15:52
熊出沒注意 抵死
2020年08月17日02:01
顯示全部