江美儀於2016年與吳君如弟弟吳啟祥結束十年婚姻，當年46歲嘅江美儀都有透露過因為事件搞到一度患上情緒病，雖然情傷加失婚對江美儀造成巨大打擊，可幸是兩年後見佢事業發展順遂、一個人湊住兩隻狗感情有寄託、平日醉心佛法愛上行山身心健康，49歲的她如今狀態更佳。
撰文、圖片：東方新地
單身江美儀螢幕下有狗相伴不寂寞
單身一個過得更瀟灑更健康，差不多個個星期約圈中同道中人行山跑山嘅江美儀唔止自己愛行山，仲影響不少身邊友人行埋一份。日前就身體力行陪女性友人落佐敦一間運動用品專門店選購行山鞋，正所謂工欲善其事，必先利其器呀嘛！唔使開工、私人時間，例牌會見到江美儀一拖二帶埋一對狗仔女Teddy同Tina去行街街，當日Teddy同Tina全程由媽媽孭上身，好幸福囉！
愛狗如命嘅江美儀向來當兩隻貴婦犬親生仔女一樣湊，失婚回復單身之後，更加係去到邊梗見佢帶埋一對狗仔女。原來好識碇，行山愛好者江美儀帶埋朋友專程去佐敦專門店選購行山鞋。Teddy同Tina全程由媽媽孭上身，無論上車落車、行出鬧市定喺商場舖頭之內，都好乖巧完全冇吠過又冇扭過計，抵媽媽錫喎！買完鞋，見肚餓，江美儀同朋友就地喺街邊小食店拮吓魚蛋燒賣醫肚。48歲江美儀進化「喱士儀」 螢幕下有狗相伴不寂寞回復單身後生活更健康更懂愛錫自己，江美儀個個星期都會約埋友人行山，其中一個好腳就係發哥。「喱士儀」頂癮喱士造型逐個look
現實生活中江美儀絕對係一位「好媽媽」，同喺熒幕上嘅形象大大不同！好似喺劇集《殺手》中飾演鳳姐大玩cosplay扮俏護士，一身粉紅色護士服，一對白色魚網喱士襪加高踭鞋造型，相比起當年嘅黑絲儀更重口味！回顧過往，其實江美儀都演繹過唔少經典頂癮喱士造型，被封「喱士儀」，真係實至名歸！
愈演愈放愈好戲，江美儀喺新劇《殺手》中飾演男主角黎耀祥嘅一樓一紅顏知己，角色有情有義，粉紅護士服配魚網喱士襪亦好搶鏡。除咗扮俏護士，劇中另一造型小丑女亦好頂癮。人稱豹哥嘅單立文曾與李思捷一齊開演唱會，獲邀擔任嘉賓嘅江美儀著上黑色性感胸衣配誘人吊襪登場仲同豹哥即席上演一場床上戲，睇到觀眾嘩嘩聲！於2012年播出嘅電視劇集《名媛望族》中，江美儀飾演劉松仁嘅風騷三姨太，一幕著上黑絲襪帶情挑老公加激吻，睇到全城眼都凸，江美儀更自此被人稱為「黑絲儀」！48歲江美儀進化「喱士儀」 螢幕下有狗相伴不寂寞2014年獲內衣公司睇中，邀請擔任代言人，當時43歲嘅江美儀身形依然keep得好好，身上一啲肥肉都冇，著起一雙誘人黑絲，意態撩人！48歲江美儀進化「喱士儀」 螢幕下有狗相伴不寂寞2015年台慶，江美儀以全紅透視喱士look上陣，連內裡個bra同底底都係紅色，真係佢先carry得起！
Han 1933 幾十歲著成咁，想嘔
2021年02月11日13:15
顯示全部