林作深夜回應打擂台：畀200萬你畀我打一鑊！ 鍾培生持100萬現金：你零誠信我睇唔起你

有「百億富三代」及「香港電競之父」之稱的鍾培生，日前在接受傳媒訪問時透露，每年會用100萬去回饋會員，而且人人有獎。豈料林作在該報道的Facebook留言區下寫道：「抄我100萬？」鍾培生於是下戰書，開盤100萬要求林作跟他上擂台對打。

事緣林作剛巧在日前發帖，半價賣出早前被廣泛討論的Brioni西裝，並想舉行眾籌，目標籌集到100萬元為其保險團隊招募人才。鍾培生見到林作的「抄我100萬？」留言後寫道：「你咁想紅我幫你，我地（哋）打一場，你贏左（咗）我幫你找100萬，你輸左（咗）我都比（畀）30萬出場費你。」

林作之後連出多個帖文反問網民意見、找健身及保險贊助外，又貼出超低清練拳舊照，表示：「驚都未驚過。我打開。」又在社交網站發起另一眾籌，要求網民每人貢獻70元，表示只要有1萬人「課金」就有70萬，最後寫道：「到時，同佢死過！」。

鍾培生在該影片下留言：「你唔使呃香港人錢，你話要有一球就打，無問題港幣一百萬我贏輸都俾你，我而家book場搵製作同寫合約，你唔洗講咁多廢話你簽約唔好縮沙就OK。No bullshit let’s go」今日（2月19日）凌晨林作在社交平台突然改口表示：「嗱，鍾培生先生，我諗過㗎喇，以下係我嘅答覆，我畀二百萬港紙你，你俾我打一鑊。」

鍾培生今早上載手按100萬現金的照片：「林作呢度100 萬你簽左（咗）就係你嘅。我本身唔識你，你零誠信令我睇唔起你。唔該你唔好再抽我水，我唔想同你拉上任何關係。擂台面前人人平等，你要借我上位擂台見。我相信打得成，會係近年來香港人最開心嘅事。No bullshit let’s go 🥊🥊」另外有網民發現，林作與鍾培生同為12月23日生日，年紀只相差一歲。