【畀like都鬧】森美like黃心穎道歉文章 遭網民圍攻鬧爆

黃心穎日前在網上公開道歉，對車廂偷情事件感到羞愧和歉疚，更謂「無法面對自己」，不過仍有網民繼續鬧爆心穎，而曾和心穎合作過《森美旅行團》的森美，亦慘遭牽連，事關森美因為Like了心穎的道歉post，結果被部分網民圍攻。

有網民說：「點解你要like？對你好失望。」﹑「老實講，見到你個like有啲驚訝，然後係失望，喺一個公開嘅Post度like，基本上已經係一種表態，就算老友鬼鬼咪私下溝通表示支持安慰囉，何必攬上身呢？無人會因為你咁做而覺得你有義氣欣賞你，只會覺得你盲撐，根本無明辨是非。」

不過亦有網民撐森美：「可能森美撳like係覺得佢（黃心穎）肯認錯，無逃避，唔代表佢認同呢個行為係正確，你哋冷靜啲得唔得？」﹑「世界是簡單，最複雜的是人心」﹑「一個like唔代表支持佢嘅做法，只係從朋友角度嘅一個問候同埋support。」

此外，森美和阮小儀主持的電台節目《早霸王》，每到星期五就會接聽眾示愛電話，並重溫上周內容，而「森小」接電話前，先重播上周聽眾求愛的電話內容，然後再播出許志安的歌曲《你的男人》，有網民立即在該節目的facebook專頁留言：「仲播佢（安仔）隻歌？叫佢聽返自己啲歌詞啦，仲有資格唱？！」﹑「好諷刺的一首歌」﹑「請禁播某人的歌。」播完後，未知是否擔心聽眾誤會，「森小」亦再次澄清，指歌曲是節錄上周五的節目，當時是由聽眾點播。

（即時娛樂）