每個月都有人生日，但一諗食乜就R爆頭？唔緊要！小編幫到你！因為就連我，好多時候都有呢個煩惱㗎～平時上網睇其他推薦，唔係海景生日飯就超豪華打卡生日餐，咁搞法每個月淨係請生日飯都食窮我喇！所以小編決定親自推薦生日餐廳，唔單只價錢公道仲坐得舒服，有啲仲會送生日畫添！想知邊間CP值咁高就記得碌埋落去睇吓喇！
圖片來源：SAUCE、Openrice、官方圖片｜撰文：Debbie
貼心生日飯餐廳推薦（1）- Amico1890
第一間要推薦嘅餐廳係位於旺角嘅一間小店《Amico1890》，餐廳主要食西餐意大利菜為主，晚市亦都有提供SetDinner同2-3人套餐！環境方面，內部走西式小木屋路線，而且分咗上下兩層，燈光亦較為昏暗可以說相當有情調啊！作為一間生日餐廳，小編認為呢間嘅CP值相當高！食物質素同價錢都係可接受範圍，無論係冇乜預算嘅學生哥定想搵貼地嘅餐廳食生日飯都好適合！加上而家只要用《搵食姐訂座app》，晚市會送甜品再送免費畫圖！小編試過叫餐廳畫禰豆子，真係畫到俾我真係超有誠意啊！
《Amico1890》
地址：旺角洗衣街24號地舖
推薦指數：★★★★★
電話：37980070
營業時間：星期一至日 12:00 – 22:00
訂座app：https://apple.co/2ZD68Hj
貼心生日飯餐廳推薦（2）- 90s Lazy
第二間要推薦嘅餐廳同樣都係位於旺角嘅一間小店《90s Lazy》，以文青日系風格吸引咗好多年輕一代去幫襯～山東街分店一共有兩層，兩層均空間闊落兼落地大玻璃，無論係情侶或者一大班Fd慶祝都OK！而且太陽射入嚟嘅時候真係影相一流㗎。食物方面，餐廳主打西意日Fusion，以Cafe嚟講算係多選擇。生日慶祝會有寫字服務仲要係無限時Cafe，所以可以慢慢Enjoy生日飯。最近聖誕都開始籌備緊聖誕套餐同到會，想食嘅朋友記得訂位喇!
《90s Lazy》- 旺角店
地址：旺角山東街50號1-2樓
推薦指數：★★★★
訂座電話：23410288
營業時間：星期一至日 12:00 – 17:00 ，18:00 – 22:00
貼心生日飯餐廳推薦（3）- Chef’s Stage Kitchen
第三間係小編目前食中上價西餐入面最好食嘅其中之一《Chef’s Stage Kitchen》，餐廳目前有4間分店，而我就試過觀塘同將軍澳兩間，兩間嘅感覺都十分良好。先唔講環境同食物，兩間分店嘅員工都服務得非常貼心同週到，預約生日飯嘅時候仲會問你需唔需要預先留定甜品寫字，由帶位嗰刻到埋單都覺得全程都被Service當中，係一個好好嘅用餐體驗！餐廳同樣以西意菜式為主，一入座就先有餐包同配醬，非常開胃！小編就推薦大家試吓「初榨純橄欖油蒜香白酒煮紐西蘭海鑽蜆扁意粉」同「Brownies配雪糕」，牛排亦都好出色！價位方面就上面兩間餐廳高，建議情侶或者2-3朋友聚會食就剛剛好喇！
《Chef’s Stage Kitchen》- 將軍澳店
地址：將軍澳唐俊街12號天晉匯地下G03號舖
推薦指數：★★★★★
訂座電話：27999885
營業時間：星期一至五 12:00 – 22:00 ，星期六、日及公眾假期 11:30 – 22:00
貼心生日飯餐廳推薦（4）- Oasis.bar.grill.hk
位於尖沙咀諾士佛臺嘅《Oasis.bar.grill.hk》係該區嘅人氣打卡西餐廳，除咗係因為入面有吸睛嘅鳥籠打卡位，午市Afternoon Tea Set亦非常高質。入夜後嘅餐廳形咗兩邊唔同嘅空間，一邊係田原文青風而另一面則行浪漫情調風！
食物質素算係高CP值，喺尖沙咀呢個地段可以有$200就食到半打肥美生蠔算係十分划算，而且不論湯品、主食同甜品都係水準之上，食生日飯約尖沙咀嘅時候不仿試試呢一到～玩得唔盡興的話，落樓下就係一條長長嘅酒吧街！可以慢慢幫朋友慶祝生日～西餐嚟講，呢到比較多海鮮同扒類，而且仲會同水果撞出菜式，喜歡新鮮感嘅朋友就要嚟試一試喇！公道啲講，呢間整得嘅都好高質唔會中伏嘅！
地址：尖沙咀諾士佛臺1號8樓
推薦指數：★★★★
訂座電話：28879820 / 56635003
營業時間：星期一至四 15:00 – 22:00
星期五及公眾假期前夕 14:00 – 22:00
星期六、日及公眾假期 12:00 – 22:00
貼心生日飯餐廳推薦（5）- Nathan Left
最後一間想推薦俾大家嘅餐廳係同樣位於尖沙咀嘅《彌敦左岸》。係週末晚嘅時候，餐廳就會有固定嘅Live Band演出，令到氣氛更加濃厚同高漲！如果你哋生日嘅朋友係PartyPeople，嚟呢到慶祝就啱數喇！餐廳同樣以多樣菜西餐為主，仲有各式各樣嘅飲品雞尾酒俾大家選擇！而且每道菜嘅份量都算多，適宜6人以上嘅朋友聚會過嚟Chill！豬手同斧頭扒記得都要叫啊！小編記得生日嘅話，Live Band會親自彈生日歌俾你仲會有煙花加蠟燭慶生，認真誇張兼夠哂威，建議喜歡吵鬧嘅朋友去玩啊！
《Nathan Left》
地址：尖沙咀赫德道5-9號德裕中心地下及1樓
推薦指數：★★★★★
訂座電話：23691333 / 56049108
營業時間：星期一至日及公眾假期 14:00 – 00:00
