袁冰妍涉偷漏稅被踢走　「最美周芷若」執二攤上位

內地上位小花袁冰妍被揭其公司偷漏稅被罰97萬人民幣（約港幣114萬），雖然其工作室即發表聲明，指係由於公司未及時履行代扣代繳義務所致，不過佢哋向公眾致歉都冇用，其形象已經直插谷底，短期內恐翻身無望。佢近月正同楊冪合作劇集《狐妖小紅娘》，好在劇集剛開拍，劇組已及時上損，偷偷易角，有網友就發現，根據網上戲劇資訊，佢原本劇中扮演「涂山雅雅」，如今該角色已經換成楊冪公司旗下小花、有「最美周芷若」之稱嘅祝緒丹，引發眾人好奇。

而《狐妖小红娘》原本係大陸超人氣漫畫，2015年推出動畫版，如今開拍真人劇版《狐妖小红娘月紅篇》，網傳演員陣容包括楊冪、龔俊等人，皆係當紅演員。該劇喺橫店開拍時，就引嚟眾多代拍業者偷拍追逐，就睇得出今次新劇受到各界高度關注。

東網網站 : https://on.cc/東網Facebook專頁 : https://www.facebook.com/onccnews/