「洪家班」鍾發早前在文雋經營的YouTube頻道「文雋 講呢啲 講嗰啲 Man's Talk」，當中就提到和曾志偉已經反面沒聯絡，而在2023年曾同是「洪家班」的孟海離世時曾經同場：「孟海死，我同大哥傾偈，坐喺度，我哋兩個望都唔望佢一眼！」說的「大哥」應該就是洪金寶大哥。
廣告（請繼續閱讀本文）
鍾發再批曾志偉：「你喺人哋面前你係曾志偉，你係巴閉；你喺我鍾發面前，你永遠都係……你唔好同我講廢話！」二人結怨，原來在疫情期間，當時錢嘉樂代曾志偉約「洪家班」食飯：「嘉樂打俾我，我話咩事呀嘉樂？『曾生想約洪家班食飯！』我話咩事呀，我而家喺大陸，返嚟要隔離㗎喎！佢話：『唔係呀，洪家班想約你食餐飯呀！』佢(曾志偉)啱啱入去無綫新做台長，就想攞流量啦！我想問一句，曾志偉，你係洪家班㗎咩？我真係敢噴㗎！」
最後鍾發真係為了飯局而由內地回港隔離14日：「好啦！約好晒㗎啦！我話：『嘉樂，18號，我隔離到17號，18號我隔離完咗，大家就可以聚一聚。』」但最後曾志偉卻未能出席：「點不知，16號嘉樂打俾我，我話咩事呀？佢話：『志偉聽日要跟佢哋去日本呀！』我心諗我隔離緊，為咗你去攞流量，你去攞流量呀志偉！你去日本搭檔㗎咋喎，你而家唔係主角喎！香港嗰班官員，你跟人去考察。我話17號出嚟，你17號去日本，咁我14日喺入面做咩呀？」之後鍾發也沒有出席飯局：「我就唔食嗰餐飯呀！打電話畀佢，唔覆！」說到無名火起，鍾發更開名鬧爆：「你去死啦你！志偉！」最後更提到曾志偉作為台長，未有關照過老人家：「你呢隻攪屎棍，我同你講，你唔係好叻！你有冇諗吓人哋邊個幫過你，邊個曾經、你哋當日點樣……唔好講咁多嘢。今時今日你去到呢個位，係你爭取到嘅，我希望你做好啲……你身為一個台長，有冇關照過呢班老人家？」
廣告（請繼續閱讀本文）
廣告（請繼續閱讀本文）
