麥美恩主持港姐決賽心口突現紅印　自嘲皮薄怕熱：唔好意思嚇親大家

麥美恩今晚（27日）與C君（鄭詩君）擔任港姐決賽客席司儀，二人負責泳衣問答環節，但直播中麥美恩的肩膊、鎖骨及心口位置出現一撻撻紅印，其後愈來愈紅，疑似是突發性皮膚敏感，其後她解釋出紅印的情況經常發生，每當很熱的時候便會這樣，自嘲「皮薄」，又說：「唔好意思嚇親大家」

麥美恩主持泳裝問答環節時，身穿露膊裝的她驚現大片紅印，而且愈來愈紅，事後她接受傳媒訪問時解釋，只要個人太熱就會出現這個情況，否認酒精敏感或吃錯東西。「呢個情况私下成日發生，一廠冷氣唔夠大，頭先笑得太用力，興奮指數飆升少少，都冇理啦，因為時間緊迫，都冇時間理自己狀態，但Feel到個人好熱，背脊出緊汗，我都知道個身紅咗，耷低時已經好紅，我明白大家擔心。唔好意思，嚇親大家。」

麥美恩表示之前拍其他節目都紅過，但好快亦會Cool down。「多謝大家幾分鐘內都留意到我，不過有同晚裝設計師講聲唔好意思，因為咁樣影響咗件晚裝，我皮薄餡靚，但皮膚一撻撻紅晒，我控制到唔到，但我覺得儀容係其次，最緊要冇影響到我主持嘅工作。」

其後，她亦在IG限時動態上載變回白滑的心口，寫道︰「多謝大家關心，入返冷氣位冇事了，不是敏感，不是食錯嘢。今日台上比平時熱咗少少，原因係個人超怕熱。下次會早啲提醒大家，我唔怕凍，但我好怕熱。」