劉鑾雄太太甘比(陳凱韻)熱愛鈎織,近日將愛好發展成事業,開鋪賣毛冷之餘又親自開班教編織,吸引大批圈中好友前往拜師學藝,繼徐小鳳、鍾楚紅、鄭秀文、佘詩曼、蔡卓妍、鍾欣潼後,連影帝古天樂亦成為其「入門弟子」。
廣告(請繼續閱讀本文)
甘比昨日(26日)分享在鋪頭的影片,片中見到身穿工人褲全黑打扮的古天樂手執紅色鈎織大袋,似乎對戰利品相當滿意,甘比另外公開教兩張現場照,她親自示範鈎織,一旁的古天樂雖然全程雙手插袋,不過相當專注聽書,另一張則見到古天樂拎起藍色的鈎織熊公仔仔細研究。
廣告(請繼續閱讀本文)
其實古天樂與甘比是多年好友,不時一齊做善事,疫情期間就曾一起落區派口罩,又曾投資千五萬拍港片,2022年古天樂主演《明日戰記》,甘比及大劉亦曾以劉鑾雄慈善基金名義資助慈善機構會員睇戲,去年三人相約在銅鑼灣飯聚,有網民目擊三名大劉的保鑣為他們擔遮,堪稱富豪級待遇。
廣告(請繼續閱讀本文)
. 有錢特別多朋友,好多唔相關的人都變成老友。
07月27日17:36
. 比面派對
07月27日14:41
李偲嫣 全無架子的富豪
07月27日16:02
MN 鈎嘢好難的,我姐姐都係高手,但我係學唔識的。
織嘢都有每個step, 我係學得識。
07月27日17:40
Leo 等老野死接手
08月07日07:44
顯示全部