港人北上消費成風,甚至興起「北上擺酒」。補習天王蕭源日前在社交平台發文,分享對內地飲食文化看法,談論到北上擺酒風氣。他指「香港人已進化到一個境界:返大陸擺酒」,新人會安排接駁車接送賓客,只要1小時就過關抵達珠海酒店。不過他質疑人情要畀幾多,「既然酒席是珠海價,那麼人情是否也該是珠海價?」
新界人說快過出港島
蕭源日前在Threads發文,分享早前出席珠海婚宴體驗,不過他沒表明是自己經歷還是其他人,但強調新人不是內地人。他指請帖表明賓客要帶回鄉證,在屯門V city集合,再乘坐主人家安排好的旅遊巴,「不到1小時車程,賓客已身處珠海某豪華酒店,菜式排場景緻,完全不輸香港。散席,經港珠澳大橋回到新界。很遠?新界人說,快過出港島。」由於珠海物價與香港有差距,蕭源好奇地帶出北上辦婚宴的疑問:「既然酒席是珠海價,那麼人情是否也該是珠海價?」
廣州網民稱唔收人情
有自稱廣州人的網民回覆內地與香港人情習俗有別,「本廣州人同你講,唔收人情」、「大陸唔收人情,可慳番」、「你畀面過嚟食飯就夠了」、「廣東人情比幾十蚊,真係請你食飯」、「可以放低二百蚊」、「如果係真應該大賺,有一半人畀香港人情價都不得了」、「長途去飲唔使人情」。
6萬有找 食物及服務態度比香港好
有網民分享朋友珠海擺酒經驗,指食物及服務態度比香港好,「化妝婚紗攝影擺酒垃圾站都係6萬有找。如果喺香港冇30萬都唔使旨意食到餐比較好。」另有人質疑由屯門上珠海僅1小時的真確性,未必每位賓客都能接受,有人直言「港島人表示無奈」、「講真見到呢種帖,我會同佢講我唔得閒去。」
原文刊登於 AM730
睇完新聞,記得追蹤am730以下平台,接收最新、最啱你嘅消息!
Facebook:am730 (https://www.facebook.com/am730hk)
Instagram:am730hk (https://www.instagram.com/am730hk/)
YouTube:am730 (https://www.youtube.com/c/am730video)
Ming 香港人未進化吧?乜野叫返大陸?大陸就已經包括香港,你去深圳,珠海擺酒只係誇市擺酒,如果你住係外國,先叫返大陸擺酒
好多真香港人,同內地親戚仲有聯絡,每一個香港人係內地都有親戚,原住民先係香港,即係新界原居民,係內地擺酒一直都有,通常佢地都有長輩係內地,而雙方家長又同意,咁有乜問題?你吾想去可以吾去。
06月21日02:08
CooLSoN 大6一向唔收人情,仲會比錢來賓。
有時新聞會提可以鬧埋新房,攪新娘或姊妹。
06月21日07:12
成影 原本就系國內人民還操一口普通話,就咁系返上去擺酒啦
06月21日02:47
TTY 廣東人為了顯示實力,你做人情俾佢地都退返俾你,但你要做,跟住再退返,而且係幾千咁俾
06月20日23:30
David Lai 咪呃我!連埋過關唔使一個鐘?
06月20日14:44
顯示全部