香港美食｜香港特色美食 流記艇仔粉
唔知大家有無食過艇仔粉呢？位於香港仔既「流記艇仔粉」近日宣布由舊船轉新船，好似之後都會停泊係固定地方，詳細地址有待11月正式營業後公布，南區街坊以後想食就方便好多！艇仔粉其實係艇仔上即叫即煮既粉麵，係香港7、80年代十分盛行，艇家通常會提供不同肉類，例如叉燒、燒鴨、油雞等等，配以大地魚湯底和粉面。不過隨住依家漁業式微，艇仔粉已經買少見少，大家快啲去試下咁有香港特色既野食啦！
廣告（請繼續閱讀本文）
▲艇仔粉-又叫粉艇，其實意思就係艇仔上即叫即煮既粉麵，可能後生一代唔知係咩或者聽過但無食過，其實艇仔粉係香港70至80年代漁業盛行既時候好流行，不過依家漁業式微，加上水上食肆牌照好難拎到，所以越黎越少機會見到艇仔粉。
廣告（請繼續閱讀本文）
▲70至80年代既香港仔避風塘有一個水上市場，除左有粉麵既「食艇」，仲有賣各類型生活用品既艇家，例如接載住水上人家來往岸邊既「水上的士」（稱為搖櫓艇）。雖然唔似餐廳咁有好多位可以坐，但係買完之後坐係碼頭食另一番風味，好有香港本土特色。
▲艇家會預備不同肉類，例如叉燒、燒鴨、油雞等等，粉麵多數有河粉、瀨粉和米粉不同選擇，而網民推薦依間艇仔粉既燒鴨好好味。
廣告（請繼續閱讀本文）
流記艇仔粉
地址：待公布
文字：香港人遊香港 / 圖片：FB@ADan Lam
Steph C 唔用雞公碗改用即棄碗？錯哂，捧住雞公碗坐喺避風塘岸邊/碼頭，吹住鹹鹹地嘅海風食先夠正宗。改用即棄碗即時冇咗靈魂。。。T~T
10月23日10:02
顯示全部