Good show kiss消失！ 龍婷慈善show演唱會嘉賓連環被out 網民：不如直接叫鳳婷

1.傳緋聞、做小三絕對唔係年輕女藝人專利，睇睇龍婷就知！

2. 聲稱43歲，但被網民多次質疑其真實年齡嘅龍婷，繼早前被爆出與65歲已婚演唱會製作人 #丘亞葵 車廂「Hello Kiss」後，上月底再被爆出與另一成熟男士行街的照片

3. 相中二人雖然未有親暱舉動，但女方全程面帶微笑，男方就疏起綠色「迅雷頭」，慌死唔俾人發現咁

4. 有網民就質疑「特登搵另一個男人一齊行街比記者影」，企圖轉移視線，亦有指是非多多的她竟毫不避忌，「龍婷？直接叫鳳婷啦」

5. 「Hello Kiss」事件後，死口不認嘅龍婷曝光率急跌，原定上周六演出TVB 慈善大騷《星光熠熠耀保良》，落實被飛！

6. 節目監製何小慧回應傳媒指，只是TVB通知，龍婷屆時將不在港，但明眼人都知發生咩事，而龍婷回應：「你打畀我公司，唔該晒，拜拜！」

7. 慈善show其實正值奧運時期，相信好多人連做咗都唔知，影響較細，但原來劉威煌一連兩晚都有開音樂會，佢就自爆有邀請龍婷，但係最後都冇出席

8. 劉威煌就話，都有喺個群組請大家嚟，「但邊個覆咗我唔得閒睇，唔係事事都控制到。」

9. 同樣出自《中年好聲音》嘅周吉佩，就話龍婷有回覆表示不好意思和打擾到大家，又話自己休息緊，唔怪得有咁多時間周街行

10. 而對於一連串傳言，包括被指已婚、已為人母、曾經住過筲箕灣一事，龍婷一律大耍太極，極不耐煩回應「過咗去係講之前件事，我唔會再講任何嘢（生女都可以過去？）」，更對記者惡言相向：「其實我可以唔聽你電話，我講完，你想我收線先，定你收線先。」

11. 作為公眾人物，所作所為，以至認對態度，觀眾都有眼見，有網民就指「太急功近利」、「小三形象出晒黎」、「一鋪清袋！」、「可以專心有時間kiss了」、「都係做返企街唱歌」

12. 過去TVB旗下藝人因人設崩壞「一雪冇回頭」例子恆河沙數，龍婷「一吻定雪」，之後回應連環失分，只可以唱返句「我已經看見 一齣悲劇正上演！」

▼Follow 娛頭
Facebook: https://www.facebook.com/profile.php?id=61554772610166