英皇娛樂旗下女團VIVA首次代言香港麥當勞早餐產品「蕃茄濃湯扭扭粉系列」，四人更同時主唱廣告歌曲《Morning Call》，歌曲是VIVA今年第三首主打歌，廣告及MV今晚凌晨（10月8日）上架。
廣告（請繼續閱讀本文）
對於首次主演廣告，VIVA四人都有不少難忘的拍攝片段，廣告前後花了3日逾60小時拍攝，無論精神及體力都是一大挑戰。Carina透露為節省來回車程時間，就直接到住在拍攝地點附近的朋友家暫住，爭取時間休息：「我自己心理真係有影響，哈哈，好在現場我啲隊友撐住我。」Macy亦有同感：「最難忘係三日穿着同一套服裝拍攝，因為我哋每日跳舞都出好多汗，Carina同我仲要着冷衫，不過唔緊要，好在現場食番啲好嘢，哈哈。」
VALC跟Ada表示最印象深刻是開車的場景，沒有車牌的VALC拍攝時坐在司機位負責開車，「嗰一刻我覺得自己好似識揸咁，前面有架車拖住我哋呢架車，係好新奇嘅一件事，因為我冇試過咁樣，覺得好好玩，同埋一路吹住風、一路拍嘢係幾舒服。」拍完這場景，VALC已立即表示會積極考慮考車牌。
廣告（請繼續閱讀本文）
Ada則自爆拍攝時不停喪食薯餅，「第一次拍食嘢，以前睇啲食嘢廣告，以為食幾次ok，但原來因為要拍攝唔同嘅角度，所以我應該食咗超過十塊薯餅，我係『負責薯餅部門』，哈哈，同埋因為都有NG，所以食得愈嚟愈多，隊友見到都有問我使唔使幫手，但我懷疑其實佢哋自己都好想食。」
廣告（請繼續閱讀本文）
除了首次主演廣告，今次亦是VIVA首次唱廣告歌，四人既緊張又興奮。收到Demo的時候，四人已覺得曲風十分「早餐」，Ada表示記得聽Demo當日，她給弟弟聽了一遍：「我細佬聽完之後就話即刻聞到好似有一種去咗麥當勞嘅感覺嗰陣味。所以我覺得原來一首歌，真係可以帶到一啲咁深層嘅意境或者一個畫面俾大家，呢個都係我第一次感受到。」