講到台中，應該唔少人都一定有去過。不如今次就去位於台中附近嘅彰化喇！其實彰化都有唔少畀大家影相打卡嘅好地方㗎！
1.彩虹合掌屋
講到合掌屋，大家第一個一家會諗到日本，不過其實喺彰化就有一個彩虹版嘅合掌屋呀。
唔同顏色嘅合掌型小屋，仲有小小似精靈小屋添呀！
七彩嘅外觀，吸引咗唔少人嚟打卡，特別係藍色、綠色、紫色嘅小屋，都係人氣影相位嚟。
不過提提大家彩虹合掌屋只有室外係公開畀大家影相，內部係唔開放㗎！
線西可築夢合掌屋
地址：彰化縣線西鄉中央路二段651巷64號
2.王功漁港
王功漁港以新鮮飽滿嘅蠔為主打嘅漁港，不僅能參加採蠔活動，還有將蠔殼整成彩虹嘅棚架，係唔少人必到嘅朝聖地。
芳苑燈塔
由被漆成彩虹色嘅蠔殼整成嘅棚架。
王功漁港
地址：彰化縣芳苑鄉王功
3.福寶濕地
當地人嘅私密景點！最特別係用漂流木造成嘅區域，仲可以坐喺漂流木搭成嘅景觀台欣賞夕陽添！
如果時間充裕，可以走到濕地嘅盡頭，一覽270度嘅美景。
福寶濕地
地址：彰化縣福興鄉新生路臨63號
4.蛤蜊兵營
「蛤蜊兵營」喺古時約有百名退役官兵停留，主要以養殖蜆同國家防衛之用。不過時空變遷，工業逐漸進駐，令村舍慢慢變成具有歷史意義嘅廢棄碉堡。
蛤蜊兵營
地址：彰化縣線西鄉中央路三段326巷101號
5.玻璃媽祖廟
以玻璃打造而成嘅媽祖廟，就好似置身於水晶宮一樣。呢座媽祖廟就正正位於《台灣玻璃博物館》嘅園區之內，其實寺廟內同平時嘅差唔附，散發著濃烈啲傳統宗教風情。
玻璃媽祖廟
地址：彰化縣鹿港鎮鹿工南四路28號
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
