網民訂貨掀誤會 193被轟態度差回應：咩年代？仲罵不還口？

昨晚連登討論區被ERROR成員193(郭嘉駿)事件洗版，大量網民鬧爆193。事源早前有網民開post指早於年初時向193的網店訂貨但遲遲未收到貨，私訊網店亦不獲回覆。不久之後193網店就在IG澄清，更出了和網民的對話截圖，表示有寫明今個月9月尾才截單，預計之後大約一個月內寄出貨品，本應店方似乎沒有錯，但截圖對話中的訊息，店方反問網民：「係咪唔識中文？」「一月入錢嚟做乜X？」「文盲？」就惹來不少網民都指193態度極差，而且截圖當中更看到網民名字、頭像相片及隱約看到對方電話號碼，被網民質疑公開別人私隱。

193的網站在IG限時動態公開一張過數圖，當中看到網民的頭像相片及名字，留言寫著：「呢個世界真係好多奇怪人。」而在對話截圖中，則顯示店方態度極差，問到網民戶口供退款時，更提到：「定係燒俾你？」而且在對話截圖中，雖然網民電話已經被紅線蓋上，但依然隱約看到電話號碼。
再之後，店方繼續在IG限時動態留言，先出了一張訂購月餅圖，留言：「如果依家仲有人入錢俾我呢，就一定唔會再退錢嘅。因為上年已經截咗單，我直接當送錢俾我用，多謝。」還有說到是先被人公審才出截圖反擊：「人生導師sss又出現了，究竟公審係咩意思？唔係佢公審我先咩？咩年代？仲罵不還口？」
雖然在討論區被網民鬧爆，更有網民推斷193之後會道歉。不過在網店自家IG卻未見網民出征，卻仍有粉絲留言支持：「快啲呃我錢啦❤️」「最樂意俾你呃錢，唔係，係俾你賺錢先啱。」