女生總愛買，衣櫥內最好有大量不同款式的衫褲鞋襪，方便有需要時mix & match。然而實際上姊妹們其實地方少、錢又少，如果物件可以有多於一個用途就變得較理想，計計埋埋更會慳唔少。OL至愛的Longchamp早前就宣布與日本品牌nendo合作推出新系列，外表型格、可愛的袋款除了有基本的儲物功能外，更可變身家具、裝飾等，性價比非常高，難怪會引來時裝精的熱烈討論。
廣告（請繼續閱讀本文）
熟悉品牌的姊妹應該都知道，最經典的袋款Le Pliage其實是受和式摺紙藝術所啟發，今次再次用上日本人的美學，源用簡潔設計外，亦加入了令人驚喜的創意點子。Katachi Collection一共推出了3個款式，包括有正方體Cube、圓形Circle和圓錐體Cone，均保留了皮革夾尼龍面的配搭，可算是Le Pliage的變奏版。
每款設計都有各自一物多用的變化形態，例如Cube，除了適合男生的正方體手提包形態外，大家只要輕輕一摺，將頂部的蓋掩扣入一格，即刻會變出六角形經典包包狀，女生揹非常good fit。最好玩的CHOCO就會選靈感來自「風呂敷」的Circle，小包形態可袋唇膏、電話等小物，對摺形態可幫手㩗大型物品如瑜伽墊，攤平時則可作掛飾、野餐墊。Cone則夠晒型格，圓錐體的設計定能為你吸引視線。
廣告（請繼續閱讀本文）
廣告（請繼續閱讀本文）
大家可能會覺得好難carry，但其實都有不少潮人入手，用來襯衫都不錯！
雖為聯乘系列，但系列定價頗親民，最平$550已可入手，以品牌的等級和造工而言，再加上其好玩程度，令不少姊妹們都心癢癢。據本小姐所知公開發售了一個星期後，已有少少缺貨情況出現，有興趣的朋友找它們可能要多花點腳力了。
