觀塘寶達食街～街坊必試平價美食～歎住冷氣掃街食宵夜～

住觀塘寶達或附近嘅朋友有福啦！今次小編要介紹嘅，係寶達市場 M.C. BOX嘅食街，開舖開到夜晚8點～買返屋企當宵夜或加餸就最正！！！1.琪味手撕雞原隻手撕鹽焗雞賣$55、手撕麻醬雞$60 ～份量都十分足本，1份2個-3個人share就岩岩好～除咗手撕雞，大家都可以試下其他野食！

2.撈得店雖然全部睇落都好好味，不過小編就推薦泰式香蕉煎餅。香脆嘅外皮中包入蛋同新鮮香蕉片，上碟時配埋煉奶，真係好好味啊！！！每份$20~～價錢都好合理！！

3.食好啲正正係撈得店格離，必試唔同口味嘅腸粉。今日小編就揀咗石磨冬菇瘦肉腸粉，即叫即整，$28 好足料！！！如果收工肚餓經過，$28當一個下午茶，都幾抵啊！

4.糖將軍食完咸品，當然唔少得甜品啦～糖將軍多種雜果甜品（不過有時會缺貨），賣相色彩繽紛，十分受小朋友嘅歡迎！

提提大家，街市內食肆開到夜晚8點，夜歸嘅街坊想食個簡約餐，就多個選擇啦！ 住係附近嘅朋友仔，放假有時間都可以同朋友一齊落嚟室內掃街～最正係夏天都唔洗滴住汗掃街～地點:觀塘秀茂坪寶琳路2號寶達商場地下M.C. BOX寶達市場 開放時間: 7am-12mn(外圍食街) 7am-8pm(街市內食肆)Text: Holiday editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）*本文章的圖片均經其本人或其公司授權，其他媒體不得轉載歡迎關注我們的 Facebook 與 Instagram