政Whats噏：公務員加薪係咁拖　郭偉強斥反對派恐嚇政府

立法會財務委員會用咗接近19個鐘討論公務員加薪嘅撥款申請，但民主派議員執意要將警察加薪分拆，搞到公務員加薪一拖再拖。立法會議員郭偉強今日(19日)出席活動嘅時候大鬧反對派針對公務員系統，仲反問算唔算恐嚇政府，定係反對派唔鍾意邊個部門，就扣起唔准加薪呢？

每個人心裏面嘅核心價值都唔同，身兼立法會公務員及資助機構員工事務委員會主席嘅郭偉強話市民咁鍾意返工、香港咁多年嚟蓬勃發展，反映香港嘅核心價值就係「現實」，大家都唔會做損害自己嘅事。但佢話反對派就完全違反呢個原則，每日「倒米」，其中公務員加薪已經傾咗19個鐘，但反對派就寧願「攬炒」一齊唔加。

郭批評反對派係針對公務員系統，仲話假設今次政府妥協，願意將警隊加薪分拆出嚟，反對派就會變相唔鍾意邊個部門，就要求分拆加薪，同恐嚇政府部門冇分別，仲有可能衍生法律訴訟添！

東網網站 : https://on.cc/

東網Facebook專頁 : https://www.facebook.com/onccnews/