經典繪本大師-幾米老師嚟香港開展喇！適逢幾米創作20週年，為左回饋一路相伴嘅讀者，喺呢度起左間童話故事屋，同大家分享20年創作嘅心路歷程同作品！
咁難得嚟到幾米老師嘅作品展，見到咁靚嘅作品，當然要影低佢留念啦！
今次好特別，專登將《森林?的秘密》、《不愛讀書不是你的錯》等等嘅作品還原，以立體場景嘅形式呈現俾大家睇，好似融入左喺作品度咁！
呢個4米高嘅原畫展區超多打卡位，最觸目嘅就係呢間童話屋，入面收埋隻超巨型毛毛兔，好可愛！仲有好多作品繪圖散落喺牆壁，好似俾老師嘅作品擁抱住咁，心入好溫暖～
幾米老師嘅作品一直都好受歡迎，好似《向左走．向右走》、《月亮忘記了》等等經典創作都好深入民心，今次嘅展覽仲可以睇埋《戀之風景》、《地下鐵》、《星空》同埋最新繪本《閉上眼睛一下下》嘅原稿，fans千奇唔好錯過呀！
為左慶祝20週年，呢次嘅展覽內容好豐富，同場加映期間限定店！
獨家限定幾米商品勁吸引！有繪圖作品裝飾嘅爆谷筒，6款唔同口味：朱古力、泰式、墨西哥辣、原甜、粟米濃湯、焦糖任君選擇！仲可以買到特製嘅金屬書籤、聖誕卡、頸/抱枕同絨毛拖鞋等等精品，最新嘅幾米作品都買到嫁！
行到攰，不如就搵間cafe坐底抖下～
展覽好貼心，預備左架咖啡列車，以《忘記親一下》為設計靈感，俾大家停一停、抖一抖！
好多蛋糕同飲味選擇，而且味道香濃，好好食！外賣盒都係幾米主題嫁！
《幾米創作20週年原畫展》
地址：希慎廣場1樓中庭、利園一期及三期地下
日期：2018年11月22日至 2019年1月2日
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
