《大帥哥》自播出以嚟一直都係網民熱話，除咗張衛健熟悉嘅演繹方式勾起大眾回憶之外，更加有心水清網民發現《大帥哥》嘅角色設定同《Keroro 軍曹》非常相似。
角色性格同名都有所對應：張衛健飾演嘅狄奇—Keroro；洪永城飾演嘅馬炭—Tamama；曹永廉飾演嘅顧落蘆—Kururu；徐榮飾演嘅羅義—Giroro；李嘉飾演嘅冬來—Dororo。
廣告（請繼續閱讀本文）
隨住劇情發展，《大帥哥》嘅角色同《Keroro軍曹》嘅人物越嚟越貼合。
而琴日播出嘅第六集，狄奇佢哋想殺咗麥先根，點知麥先根就搵咗蔡思貝飾演嘅章沅婉做人質，仲係咁打佢，而馬炭見到就Tamama上身，開始發狂。
廣告（請繼續閱讀本文）
佢雙眼發紅，眼神好似發狂中嘅Tamama咁！
廣告（請繼續閱讀本文）
之後化身風一樣男子，衝前追打麥先根，連隊友都俾佢嚇親。
麥先根用槍打傷馬炭隻手指，但馬炭反應都好快，即刻拎咗把軍刀出嚟。
喺麥先根被制服之後，佢仍然用刀不停咁拮佢，羅二都俾馬炭瘋狂嘅舉動嚇到呆咗。
進入暴走狀態嘅馬炭眼神真係好嚇人，好似Tamama發射衝擊波咁。
見到呢一幕嘅網友都話好似睇緊Keroro真人版咁。
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）