相隔五年，迪士尼動畫電影《冰雪奇緣 Frozen 2》終於上映啦！唔同品牌亦相繼喺近期紛紛推出《冰雪奇緣2》嘅限定商品！「ColourPop Cosmetics」亦捉緊機會，推出《冰雪奇緣2》彩妝系列，包括眼影盤、閃粉眼影膏、唇膏同埋唇蜜～
美國網上開架彩妝品牌 ColourPop 一直係唔少小資女嘅最愛，唔單止定價親民，而且CP值非常高，無論係化妝新手定老手都一樣適合！雖然已經擁有超高人氣同好口碑，不過Colourpop仍然周不時為粉絲帶嚟驚喜，成日同唔同品牌、人物推出聯乘彩妝，而且每一次都唔會令人失望！
呢次聯乘Elsa同Anna兩姊妹各自有自己嘅獨立Collection，兩個Collection同樣包括眼影盤、 閃粉眼影膏、唇膏同埋唇蜜，色調亦具有兩人嘅特色同品味，簡直好似佢哋日常用嘅化妝品一樣！如The Elsa Collection運用較高雅嘅冷色，配襯閃粉打造Elsa經典嘅藍紫色妝容，而The Anna Collection則係較暖和親切嘅楓葉色，望落有陽光活力嘅感覺。
Frozen ll 全系列套組 Collection Set 美金76元
#The Elsa Collection 全系列套組 美金38元
1.ColourPop x Disney Frozen II－Elsa系列眼影盤 Eyeshadow Palette 美金15元
Elsa眼影盤真係靚到令小編尖叫！外殼運用經典銀白藍配色，加上雪花同Elsa印花，超有冬日冰雪感～重點係呢盤嘅配色，超級靚！「冰雪女王」Elsa嘅眼影盤以溫柔、氣質嘅莫蘭迪色系為主，包括銀白色，粉紫及藍等9種冰冷色調，並且具有啞光，金屬同閃粉效果～
有唔少網民覺得相比起Anna款，Elsa版本雖然無咁實用百搭。不過小編覺得整體偏冷調嘅Elsa盤中加入咗秋冬大熱酒紅色系，同實用嘅乾燥玫瑰色，大大增加咗眼影盤實用性，令你無論想畫日常妝定係節日party妝都ok～ 而且只係睇中間嗰粒超閃嘅冰雪白亮片色就已經值回票價！
2. ColourPop x Disney Frozen II－Elsa系列唇膏 Lux Lipstick in Little Snow 美金9元
呢個系列嘅唇膏亦係典型秋冬必收唇膏～ 擁有經典姨媽色，刷色飽和，仲有夢幻藍色金屬包裝～ 亮面冰藍雪花設計，真係令人難以抵抗～ Elsa粉絲絕對唔可以錯過！
3. ColourPop x Disney Frozen II－Elsa系列唇蜜 Ultra Glossy Lips in Mythic Journey 美金8元
跟住落嚟呢一款係好特別嘅產品～就係帶有偏光亮片嘅液態唇蜜！可以搽完唇膏之後疊加使用，就會好似銀色雪花飄落喺唇上，閃爍著超美光澤！亮片唇彩能夠為唇妝添上豐盈感，打造剔透水嫩果凍唇！
4.ColourPop x Disney Frozen II－Elsa系列眼影霜 Glitterally Obsessed in The Dark Sea 美金9元
呢個系列嘅最後一款產品就係眼影霜啦！同樣係超冰雪超冰雪嘅銀藍色偏光系列，飽和又密集嘅閃爍亮片，輕輕一抹就係超搶眼嘅眼妝重點打亮～ 唔只會令雙眼望落超繽紛，銀藍色偏光亦超級夢幻，真係會令人聯想起Elsa同Anna夢幻度十足嘅公主眼妝呢！
#The Anna Collection 全系列套組 美金38元
1.ColourPop x Disney Frozen II－Anna系列眼影盤 Eyeshadow Palette 美金15元
Anna系列眼影盤屬於溫暖嘅金棕ｘ酒紅色系～配色一睇就令人感受到Anna嘅溫暖～呢盤嘅配色比較實用，對新手嚟講都易啲駕馭，小編個人應該會買Elsa盤收藏，再買Anna盤嚟用XD
Anna 款九宮格眼影盤，浪漫薰衣草色包裝盒裡面一打開就藏有 9 個絕美暖調眼影配色，有百搭日常嘅大地橘棕色系，亦有甜美溫柔嘅裸粉、紫色系，當然點少得點綴嘅亮片色，根本就係一盒走天涯嘅萬能眼影組合！
2. ColourPop x Disney Frozen II－Anna系列唇膏 Lux Lipstick in Going North 美金9元
Anna系列嘅唇膏雖然同Elsa系列嘅色有啲似，但係佢多咗一啲紅棕調，對於黃皮嚟講更顯白！仲有玫瑰金色金屬包裝～ Anna粉絲唔好錯過啦！
3.ColourPop x Disney Frozen II－Anna系列唇釉 Ultra Glossy Lips in Free Spirit 美金8元
對比Elsa系列嘅華麗包裝，小編發現Anna系列偏向行務實路線～呢枝唇釉係最近大熱嘅奶茶色，亦同Anna本人嘅髮色超似！
4.ColourPop x Disney Frozen II－Anna系列眼影霜 Glitterally Obsessed in Waterfall 美金9元
Anna系列嘅眼影霜同ElsaElsa嘅正正係對比色～Anna系列係一個金、銀色亮片相間金色眼影霜，唔只顏色百搭，仲非常華麗，閃度亦絕對會幫眼妝加分！
上市日期：2019年11月15，10am於ColourPop官網開賣
所有商品嘅價格由8美元到76美元不等，各位可以單獨購買或自行搭配鍾意嘅美妝組合～ 鍾意ColourPop Cosmetics《冰雪奇緣2》系列嘅，前往ColourPop嘅官方網站落單啦！（官網購買連結請點此）