【蘇跑旅遊】首爾超人氣咖啡店　打卡零死角的現代感韓屋

首爾有好多具特色嘅咖啡店，今次要介紹呢間擁有四合院式嘅傳統韓屋建築設計嘅Cafe Onion。整間咖啡小店均是落地玻璃設計，非常通透，每一個座位都能享受到和暖的陽光，再嘆杯咖啡，寧靜地欣賞傳統韓屋建築，另有一番風味。

Cafe Onion喺首爾分別有幾間唔同特色的分店，有工業風又有古典風。今次筆者要介紹位於安國站嘅韓屋建築分店，因為位置比較方便。建議先到咖啡店享受豐富早餐，再到附近欣賞傳統古典嘅北村韓屋村體驗，而此分店都係配合番環境由韓屋改建而成，集復古與時尚於一身，隨即成為打卡熱點。

店內隨意拍攝也別具風味，而用餐區除了一般座位外，也將傳統韓屋開放式的通道走廊設置成座位區，讓客人能在陽光的洗禮下感受懷舊的傳統氛圍，享受慢活的步調。

安國店大量保留了韓屋的元素，包含黑色瓦片、木造樑柱以及地板，不過又加入了現代的玻璃帷幕裝潢以及少許的鐵件，讓傳統韓屋增添現代感。 

另一樣吸引人注意的就是櫃檯旁麵包挑選區中各式各樣的麵包，這些都是由「Cafe Onion」自家烘焙坊炮製而成，配以自家品牌嘅咖啡，享受愜意嘅早晨，同時又有種回到古代時空感覺。

平日下午前往，人潮絡繹不絕。因為安國店目前係韓國當地著名打卡的咖啡廳，想避免人多時段，建議早上到訪，Cafe的開業時間為上午七時。穿梭在人潮中，還有工作人員不斷端出剛出爐的麵包，當中有一大盤尖形狀的麵包，像灑下雪花的山，名稱是「PANDORA」，甚為優雅。

在韓屋室內有桌椅式的一般座位，但我們最嚮往的當然就是半戶外的盤坐位置，坐在屋簷下別有韓國傳統風情，卻人享受著現代美味，在陰影下吹著微風。

Cafe Onion 安國店
地址：首爾特别市鍾路區桂洞146-1 (서울특별시 종로구 계동 146-1)
營業時間：周一至五早上7時至晚上11時、周末早上9時至晚上9時
交通：地鐵3號線安國站（Anguk）3號出口，步行約1分鐘
推薦附近景點 ：景福宮、昌慶宮、北村韓屋村、清溪川

首爾基本資料
時區：比香港快1小時
簽證：持有香港特區護照無需申請簽證
主要宗教: 國教為儒教
官方語言：韓文

撰文及攝影：蘇兒（Zoe）
鍾情於打排球同跑步嘅女生，閒時環遊世界發掘美景。期望可以跑晒世界上有名嘅馬拉松。