唔少絲打都會有月經失調嘅問題，無論係青春少艾嘅學生妹亦或事業女性都會有生理期唔準嘅時候。遲一兩日都還好，但如果長期都係三四個月先有一次月經，咁可能就係你身體發起咗警號喇，後果可以好嚴重，仲可能會影響生育！究竟係咩原因會令到經期Delay？唔嚟M又會點？唔想自己嚇自己，長期懷疑係咪有咗BB又唔想令到伴侶擔心嘅話就要睇吓小編幫你整合嘅幾個原因喇！
圖片來源︰網絡圖片、health.ESDlife、 i Herb｜撰文︰Debbie
月經唔嚟有咩問題？
圖片來源︰網絡圖片
「其實唔嚟M咪仲好，又唔洗咁辛苦痛幾日！」，但其實唔嚟月經係身體非常唔健康嘅現象嚟，仲會影響身體某部分功能添！例如，生殖系統可能會出現發育畸形、營養不良等症狀。如果女仔冇好好留意，閉經甚至會導致子宮萎縮、不孕。睇到呢係咪好即刻好擔心呢？繼續睇埋落去睇吓關唔關呢幾個原因事啦～
月經異常原因1: 過量運動引致體重大幅下降
圖片來源︰網絡圖片
有冇發現做運動減肥嘅時候，M都比較少甚至唔嚟呢？小編都有親身經歷過！開頭做重訓減肥嘅日子，由於瘦得太急同快，引起體脂過低而導致分泌維持唔到月經，而小編足足等咗三個月先有正常返呀。對於女仔嚟講，正常嘅排卵週期同月經都需要脂肪嘅支持。如果你正係處於減肥體重急降嘅狀態，建議你暫時停一停，等調理好身子再做運動都未遲～
月經異常原因2: 精神不佳/壓力太大
圖片來源︰網絡圖片
都市人生活節奏急促，工作什至精神壓力太大都會導致荷爾蒙失調！嚴重嘅好可能會甩頭髮、失眠、皮膚泛黃..等等。呢啲因素都會更加容易令生理週期受到影響，出現經期提前、延後，甚至「唔嚟」嘅情況。就咁睇都覺得係女人嘅惡夢啊！所以記住唔好俾咁大壓力自己，要時刻保持心境開朗，始終身體先係最重要呀！
月經異常原因3: 鍾意食凍嘢/生冷嘢！
細細個已經成日聽啊媽話：「女仔人家唔好食咁多生冷嘢呀，對身體唔好㗎！」，實際上真係關事㗎。原來食得多冰涼食物會令到盆腔內血管激烈收縮，造成卵巢功能失調，除咗會造成經痛仲會令經期週期產生變化。小編知道香港一年四季都好熱，但絲打們，為自己身體著想都係戒吓口，飲多啲暖水喇。
調理身體-5款催經食物推介
1.紅棗 （有催經補血嘅功用）
圖片來源︰網絡圖片
2.Salus Floradix 草本滋補液-鐵元
胡蘿蔔素同維他命C都有助刺激雌激素，令子宮內膜厚度增加，以及維持月經正常和穩定。除了直接從食材吸收胡蘿蔔素及維他命C，保健品都可以幫到你㗎！
3.薑黃 （調節雌激素和孕激素水平）
圖片來源︰網絡圖片
4.堅果
圖片來源︰i Herb
杏仁和核桃具調節月經、滋潤腸道、放鬆心情同改善炎症等作用，不過留意返，記得一次過唔好食太多，因為堅果嘅熱量都比較高，因住食肥自己呀!
5.水果（例如奇異果、櫻桃、橙等）
圖片來源︰網絡圖片
食水果有助抗壓、幫助月經穩定之餘又可以放鬆心情！
上述介紹嘅食物同保健品，都有助經期回復正常，不過每個人嘅體質都唔同，如果月經遲來問題已經去到好嚴重嘅話，記住去睇醫生徵詢專業意見啊！
