徐子珊入行15年4度落敗視后 大膽敢言曾被封「性女」

花了十五年時間， 拍過劇出過唱片的徐子珊，對娛樂圈生活早有嫌隙，捱生捱死拍劇博到盡的她，四度角逐視后都陪跑，15年無癮離巢簽畀王祖 藍，近年雖然Hea做但生活依然富貴，其珠寶生意亦如同賺錢買花戴，上咗岸唔憂米，就連IG都連根拔，一於全職歎世界。

撰文、圖片：東方新地

徐子珊入行15年4度落敗視后意興闌珊離巢

徐子珊一出道就是人生勝利組，04年選港姐獲得冠軍、修身美態獎、最上鏡小姐及國際親善小姐四項大獎，之後簽無綫受力捧，不出三年已獲無綫萬千星輝頒獎典禮「飛躍進步女藝員」獎，之後歌、 影、視、廣告四棲發展，徐子珊早已是當家一線花旦，不過當四度角逐視后都落敗，徐子珊知道要成 功就要靠自己本事。當年正值花旦爭崩頭年代，徐子珊與胡杏兒、楊怡及鍾嘉欣鬥得精彩，結果楊怡與胡杏兒都先後封視后，而徐子珊則原地踏步，到15年約滿，徐子珊被指意興闌珊離巢。

大膽敢言曾被封「性女」 盼離港做回自己

徐子珊坦言離開香港的其中一個原因是想做回真實的自 己，其實她一向敢言率直，06年出席鄧萃雯主持港台節目《性在有心》大談性經，於節目非常詳盡討論對性方面的細節要求，包括時間、地點、理想伴侶及表現要求等，更自我評價為「攻守兼備」，語出驚人，她說：「性愛對象唔可以矮過自己，否則有啲姿勢唔方便……喺美國讀書時啲女仔朋友喺床上好主動，我就被動及主動都會！」 節目出街後，徐子珊被封「性女」，又被無綫高層樂易玲急召「照肺」，指摘她身為港姐冠軍毫不自愛，言行嚴重損害自己形象，更欲將原本力捧的徐子珊「雪藏」，最終她逃過雪藏命運，但仍需多次公開道歉認錯。