去韓國旅行除左掃貨，打卡係必做嘅事！宜家興vintage，咁打卡都要打得vintage啲，菲林風格嘅影相機就啱哂！
去韓國，大家通常都會去明洞、弘大、梨大，呢啲多年青人shopping嘅潮區。
原來喺呢啲地區，除左衫同化妝品係寶之外，仲有隱藏嘅「照相館」喺到！
廣告（請繼續閱讀本文）
呢啲「照相館」其實好多地方都有，有啲會隱藏喺街角，有嘅會喺商場入面，有啲會喺地鐵站入面添！
可能大家見得多，未必想試玩，所以小編就try try佢，俾大家睇下個效果～
小編試嘅呢部位於新村U-plex旁嘅地鐵站入口，一落扶手電梯就會見到！
用法都好簡單，入去㩒「start」；揀以現金定信用卡付款；揀埋相框，影完就有嫁喇！
廣告（請繼續閱讀本文）
每個地方、每部唔同嘅機嘅價錢都有少少唔同！但全部都係好似菲林咁，4格打直一張出嚟～
最平 2000圜（約$14）就有1張連4幅嘅相～每部機嘅相框同filter都有機會唔一樣嫁，會有瘦面、黑白、復古啡tone、彩色等等⋯⋯
廣告（請繼續閱讀本文）
同閨密嚟旅遊，嚟影個靚相，一人一張收藏下啦！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）